Spricha 4
4
Eene vodaliche Belierunk äwa Weisheit
1Horcht, miene Kjinja, waut jun Voda junt to lieren haft;
acht doaropp, daut jie lieren un kluak woaren!
2Ekj jäw junt eene jesunde Lia; velot mien Jesaz nich.
3Ekj wia een wieekj lieeja Sän bie mienem Voda,
un de eensja dän miene Mutta om sikj haud.
4Hee lieed mie un säd to mie:
Behool miene Wieed en dien Hoat;
hool miene Jebooten, dan woascht du läwen.
5Nemm Weisheit aun, saumel Vestentnis, un vejat dee nich;
hool die aun daut, waut ekj die jesajcht hab.
6Velot dee nich, un dee woat die bewoaren;
sie dee goot, un dee woat äwa die woaken.
7Weisheit es äwa aules; see dee to kjrieen;
bruck aules waut du hast om Vestentnis to kjrieen.
8Jeff dee grooten Wieet, dan woat see doano seenen,
daut Menschen die en Ieren hoolen;
see woat die ieren wan du ar aun dien Hoat drekjst.
9See woat die eenen Jnodenkraunz opp däm Kopp lajen,
un woat die met eene prachtvolle Kroon zieren.
Weisheit, de sechra Wajch
10Horch, mien Kjint, un nemm aun waut ekj jesajcht hab,
dan woascht du väl Joaren läwen. #Spr 3,2
11Ekj wies die dän Wajch wua du Weisheit finjst;
ekj hab die dän rechtjen Stich jeleit.
12Wan du jeist, woascht du die nich vestaupen,
un wan du ranst, woascht du nich faulen.
13Hool die aun waut du jeliet hast,
un lot de Weisheit nich loos.
Hool dee, daut es dien Läwen.
14Go nich opp de gottloose äaren Stich,
doo nich soo aus de schlajchte doonen. #Psa 1,1
15Lot dee toch un go nich dän Wajch,
hool die doavon wajch un go wieda.
16De schlajchte schlopen nich ea see beeset jedonen haben,
un see kjennen nich schlopen, wan see nich wäm kjennen tofaul brinjen. #Psa 36,5; Micha 2,1
17See näaren sikj met de gottloose äa Broot,
un drinkjen de Vebräakja äaren Wien.
18Oba de jerajchte äa Wajch es soo aus de Sonnen Oppgank,
dee doa emma dacha woat bat daut aum hechsten es.
19Oba de gottloose äa Wajch es soo aus de diestre Nacht.
Dee weeten nich äwa waut see faulen. #Spr 24,20
Weisheit halpt toom Läwen
20Mien Sän, acht doaropp waut ekj saj,
un hool dien Ua han wan ekj räd.
21Vejat niemols waut ekj jesajcht hab;
hool dee Wieed deep em Hoat,
22wiels dee sent Läwen fa dee, dee dee finjen,
un sent jesunt fa äaren gaunzen Kjarpa. #Spr 3,8
23Moak secha daut du em Hoat weis best,
daut es wuaderch dien Läwen kjemt.
24See doano daut du kjeenem met diene Räd veleitst,
un daut du met vekjieede Vetal nuscht to doonen hast.
25Lot diene Uagen jlikj ver sikj kjikjen;
lot diene Uagen sikj aun daut hoolen waut jlikj un rajcht es. #Spr 17,24
26Paus opp wua du jeist, dan woascht du en aul diene Wäaj secha gonen. #Heb 12,13
27Go nich rajchtsch uk nich linkjsch vom rajchten Wajch rauf;
bliew von aulet beese wajch. #Jos 1,7
Currently Selected:
Spricha 4: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
