Popular Bible Verses from Spricha 4

Share

Moak secha daut du em Hoat weis best, daut es wuaderch dien Läwen kjemt.

Paus opp wua du jeist, dan woascht du en aul diene Wäaj secha gonen.

See doano daut du kjeenem met diene Räd veleitst, un daut du met vekjieede Vetal nuscht to doonen hast.

Weisheit es äwa aules; see dee to kjrieen; bruck aules waut du hast om Vestentnis to kjrieen.

Oba de jerajchte äa Wajch es soo aus de Sonnen Oppgank, dee doa emma dacha woat bat daut aum hechsten es. Oba de gottloose äa Wajch es soo aus de diestre Nacht. Dee weeten nich äwa waut see faulen.

Velot dee nich, un dee woat die bewoaren; sie dee goot, un dee woat äwa die woaken.

Hool die aun waut du jeliet hast, un lot de Weisheit nich loos. Hool dee, daut es dien Läwen.

Go nich opp de gottloose äaren Stich, doo nich soo aus de schlajchte doonen.

Horcht, miene Kjinja, waut jun Voda junt to lieren haft; acht doaropp, daut jie lieren un kluak woaren!