Spricha 13
13
Onopprechtjet Rikjtum veschwinjt bosich
1Een weisa Sän lat sikj von sienen Voda belieren,
oba een Spetta horcht no kjeen belieren. #Spr 1,8; 12,1
2Wäa goodet rät, kjricht uk goodet trigj;
wäa onopprechtich es, brinjt vebräakjen un kjwälen.
3Wäa äwa sien Mul woakt, bewoat sien Läwen;
wäa oba grootmulich omhäa es, brinjt sikj selfst en de Grunt. #Spr 12,18; 21,23
4Däm Fulen jankat väl un kjricht daut oba nich,
oba de flietje kjrieen mea aus jenuach.
5Opprechtje Menschen es daut lieejen jäajenaun;
de gottloose moaken sikj selfst toschaund.
6De opprechtja finjt Schutz en jerajcht sennen,
oba de Sinda vedoaft sien Läwen met schlajchtet doonen.
7Eenje jäwen väa, daut see rikj sent un haben oba nuscht;
aundre vetalen woo oam see sent, un sent oba sea rikj. #Opb 2,9; 3,17
8Wäa rikj es, kaun doamet sien Läwen raden,
oba de oama woat nich jedreift.
9De jerajchte äa Licht schient kloa,
oba de gottloose äa Licht woat utgonen. #Hiob 18,5-6
10Stolte Menschen strieden sikj emma,
oba de Weise nämen Rot aun. #Spr 1,5
11Onopprechtjet Jelt veschwinjt leicht;
wäa daut oba Stekjwies vedeent, bie däm woat daut waussen.
12Eene Hopninj dee sikj vetrakjt, moakt eenem krank;
wan daut oba kjemt, waut eena haben mucht, es daut een Läwensboom.
13Wäa de Belierunk veacht, dee woat doarunja lieden;
wäa een Jeboot schazt, däm kjemt daut goot ut.
14Waut de Weise lieren es eene Läwenskjwal,
daut rat däm Mensch von de Doodesschlenj.
15Wäa väl vesteit, woat väl jeräakjent,
wäa nich bestendich es, haft daut schwoa.
16Een kluaka deit aules met Weisheit,
oba een Noa brinjt mea Dommheit verendach.
17Een beesa Norechta kjemt em Trubbel,
oba dee Norechta, opp däm to veloten es, brinjt Fräd.
18Wäa sikj nich belieren lat, brinjt sikj en Schaund un Oamoot;
wäa sikj belieren lat, woat jeieet.
19Daut kjrieen, waut eena jieren haben mucht, jeit sea scheen.
Een Noa wäat sikj daut beese toch to loten.
20Wäa daut met weise Menschen helt, woat weis,
oba wäa met Noaren vekjieet, woat Schoden lieden.
21Ojjlekj es de Sinda hinjaraun,
oba de jerajchte sellen met goodet beloont woaren.
22Een gooda Maun lat waut fa siene Kjinja un Grootkjinja,
oba de Sinda äa Goot woat fa de jerajchte jehoolen. #Hiob 27,13-17; Spr 28,8; Liera 2,26
23Wan däm oamen Maun sien Launt uk eene groote Arnt jebrocht haft,
velist hee daut wan nich jerajcht jehaundelt woat.
24Wäa dän Stock nich brukt, haft nuscht äwrich fa sienen Sän,
oba wäa sienen Sän goot es, woat am väasechtich belieren.
25De jerajchte äten daut see scheen saut woaren;
de gottloose oba kjrieen nich jenuach.
Currently Selected:
Spricha 13: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
