Popular Bible Verses from Spricha 13

Share

Wäa daut met weise Menschen helt, woat weis, oba wäa met Noaren vekjieet, woat Schoden lieden.

Wäa äwa sien Mul woakt, bewoat sien Läwen; wäa oba grootmulich omhäa es, brinjt sikj selfst en de Grunt.

Wäa dän Stock nich brukt, haft nuscht äwrich fa sienen Sän, oba wäa sienen Sän goot es, woat am väasechtich belieren.

Eene Hopninj dee sikj vetrakjt, moakt eenem krank; wan daut oba kjemt, waut eena haben mucht, es daut een Läwensboom.

De opprechtja finjt Schutz en jerajcht sennen, oba de Sinda vedoaft sien Läwen met schlajchtet doonen.

Onopprechtjet Jelt veschwinjt leicht; wäa daut oba Stekjwies vedeent, bie däm woat daut waussen.

Stolte Menschen strieden sikj emma, oba de Weise nämen Rot aun.

Een gooda Maun lat waut fa siene Kjinja un Grootkjinja, oba de Sinda äa Goot woat fa de jerajchte jehoolen.

Een weisa Sän lat sikj von sienen Voda belieren, oba een Spetta horcht no kjeen belieren.

Wäa sikj nich belieren lat, brinjt sikj en Schaund un Oamoot; wäa sikj belieren lat, woat jeieet.