1 Corintios 6
6
Quejanakuymanta
1Qamkuna ukupi pipas iñiqmasinpa contranpi quejakuyta munaptinqa ¿imanasqataq riwaqchik Diospi mana iñiq autoridadkunamanraq iñiqkuna arreglasunaykichikpaq kachkaptinqa? 2¿Manachum yachankichik Diospi iñiqkunaqa kay pachapi kaqkuna juzgananchikta? Kay pachapi kaqkunatapas juzganaykichik kachkaptinqa ¿manachu atiwaqchik taksa asuntokuna allichayta? 3¿Manachu yachankichik angelkunatapas juzgananchikta? ¿Chaychu kay pachapi taksa asuntokunata mana allichayta atichwan? 4Kay pachapi kaqkunallamanta quejanakuspaqa, ¿imanasqataq Diospi mana iñiq autoridadkunamanraq rinkichik? 5Kaytaqa nikichik penqakunaykichikpaqmi: ¿Manachu qamkuna ukupi kan pipas yachayniyuq, chaynapi wawqentin quejanakuptin allichananpaq? 6¿Allinchu kanman huk wawqe hukninpa contranpi mana iñiq autoridadkunaman quejakuynin?
7Cheqaptapunipas kikikichikpura quejanakuynikichikqa penqakuypaqmi, ¿imanasqataq mana aguantaykunkichikchu mana allin ruwasuqnikichiktaqa otaq engañasuqnikichiktapas? 8Qamkunaraqmi iñiqmasikichiktaqa mana allinkunata ruwaspa engañankichik.
9¿Manachu yachankichik Diospa munaychakuyninmanqa mana allin ruwaqkunaqa mana yaykunanta? Amayá engañakuychikchu: Diospa munaychakuyninmanqa manam yaykunqachu: Huchapakuypi puriqkunaqa, ídolo yupaychaqkunaqa, waqllikuqkunaqa, nitaq warmiwan hina qarimasinwan kaqkunaqa, 10nitaq suwakunaqa, qollqella kuyaqkunaqa, sinkakuypi kaqkunaqa, cuento qepikunaqa nitaq engañakuqkunapas. 11Chaynam wakiqnikichikpas ñawpaqtaqa karqankichik, kunanmi ichaqa mayllasqaña hinaspa pampachasqaña kachkankichik, Señor Jesuspa sutinpi chaynataq Diosninchikpa Espiritunpa yanapakuyninwan mana huchayuqpaqña chaskisqa kanaykichikpaq.
Cuerponchikqa Diosllapaqña kasqanmanta
12 # 1 Co 10.23. Ruwaymanmi tukuy ima munasqayta, ichaqa manam lliwchu allin. Tukuy munasqaytam ruwayman ichaqa manam chay munasqaykunapa munaychakuruwanantaqa saqekusaqchu. 13Mikuyqa wiksapaqmi, wiksañataqmi mikuypaq. Chaykunataqa Diosmi tuñichinqa. Cuerpoqa manam huchapakuypi purinapaqchu, aswanqa Señorpaqmi, Señorñataqmi cuerpopaq. 14Imaynam Dios kawsarichirqa Señor Jesucristota chaynallataqmi ñoqanchiktapas atiyninwan kawsarichiwasun.
15¿Manachu yachankichik cuerpoykichikqa Cristopa cuerponpa parten kasqanta? ¿Cristopa cuerponpa partentachu chuchumikapa cuerponman hukllawayman? ¡Manapunim! 16#Gn 2.24.¿Manachu yachankichik pipas chuchumikawan kakuruspanqa huk cuerpollaña kasqankuta? Qellqapas kaynatam nin:
Iskayninkum huk runa hinallaña kanqaku, nispa.
17Pipas Señorman hukllawakuspanqa espiritupim hukllaña paywan kachkan.
18Huchapakuymanta ayqeychik, runapa huk rikchaq hucha ruwasqanqa manam cuerponpa contranpichu, huchapakuqmi ichaqa kikinpa cuerponpa contranpi huchallikun. 19#1 Co 3.16; 2 Co 6.16.¿Manachu yachankichik cuerpoykichik Chuya Espiritupa templon kasqanta? Chay Espiritutaqa Diosmi qamkunapi kananpaq qosurqankichik. Qamkunaqa manam kikikichikpañachu kankichik. 20Diosmi preciowan rantisurqankichik, chaynaqa cuerpoykichikwanyá Diosta hatunchaychik.
Currently Selected:
1 Corintios 6: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
