Popular Bible Verses from 1 Corintios 6

Share

¿Manachu yachankichik cuerpoykichik Chuya Espiritupa templon kasqanta? Chay Espiritutaqa Diosmi qamkunapi kananpaq qosurqankichik. Qamkunaqa manam kikikichikpañachu kankichik. Diosmi preciowan rantisurqankichik, chaynaqa cuerpoykichikwanyá Diosta hatunchaychik.

¿Manachu yachankichik Diospa munaychakuyninmanqa mana allin ruwaqkunaqa mana yaykunanta? Amayá engañakuychikchu: Diospa munaychakuyninmanqa manam yaykunqachu: Huchapakuypi puriqkunaqa, ídolo yupaychaqkunaqa, waqllikuqkunaqa, nitaq warmiwan hina qarimasinwan kaqkunaqa, nitaq suwakunaqa, qollqella kuyaqkunaqa, sinkakuypi kaqkunaqa, cuento qepikunaqa nitaq engañakuqkunapas.

Huchapakuymanta ayqeychik, runapa huk rikchaq hucha ruwasqanqa manam cuerponpa contranpichu, huchapakuqmi ichaqa kikinpa cuerponpa contranpi huchallikun.

Ruwaymanmi tukuy ima munasqayta, ichaqa manam lliwchu allin. Tukuy munasqaytam ruwayman ichaqa manam chay munasqaykunapa munaychakuruwanantaqa saqekusaqchu.

Imaynam Dios kawsarichirqa Señor Jesucristota chaynallataqmi ñoqanchiktapas atiyninwan kawsarichiwasun.