1 Corintios 5
5
Huchallikuqta Pablopa juzgasqanmanta
1 #
Dt 22.30. Yachanim qamkuna ukupi hukkaqnikichik madrastrallanwan kakusqanta, chay hatun huchataqa Diospi mana iñiqkunapas manam ruwanmankuchu. 2Chaywanpas penqakuywan kanaykichikpas kachkaptinmi hatun tukunkichikraq. Chayna ruwaq runataqa qamkuna ukumanta qarqoychik. 3Manaña qamkunawan kaspaypas espiritupiqa qamkunawanmi kachkani, hinaspam chaypipas kachkayman hina juzgaruniña chay hucha ruwaqta. 4Señor Jesucristopa sutinpi huñunakuychik, hinaptinqa ñoqapas espiritupim qamkunawan kasaq, qamkunawantaqmi kanqa Señorninchik Jesucristopa atiyninpas. 5Chaynaqa, chay huchallikuq runapa cuerponyá Satanaspa makinman churasqa kachun ñakarichisqa kananpaq, chaynapi Señor Jesús kutimuptin espiritunñataq salvasqa kananpaq.
6 #
Gl 5.9. Chaynaqa, amayá alabakuykichikchu. ¿Manachu yachankichik aslla levadurapas achka masa poqochisqanta? 7#Ex 12.5.Wischuychikyá chay ñawpaq huchallichisuqnikichik levadurata, chaynapi musoq masamanta ruwasqa kanaykichikpaq. Qamkunaqa kankichik Pascua fiestapi mikuna mana levadurayuq tanta hinam. Kikin Cristom chakatasqa wañurqa ñoqanchikrayku, paymi Pascua Corderonchikqa. 8#Ex 13.7; Dt 16.3.Chaynaqa, Pascua fiestapi mana levadurayuq tantatayá mikusun, chay mana levadurayuq tantaqa tukuy sonqowan ruwasqanchikmi hinaspa cheqap rimasqanchikmi. Amayá huchallikusunchu nitaq mana allintapas ruwasunchu ñawpaq levadurayuq tanta ruwasqanchikta hinaqa.
9Ñawpaq cartaypim nimurqaykichik huchapakuq runakunawanqa ama hukllawakunaykichikpaq. 10Kaywanqa manam nichkaykichik kay pachapi llapallan huchapakuq runakunamanta, qollqella kuyaqkunamanta, suwakunamanta, ídolo yupaychaqkunamanta pasaypaq rakikurunaykichiktachu, chayna kaptinqa kay pachamantaqa lloqsikuchwanñachiki. 11Qellqamurqaykichikqa iñiqmi kani nichkaspa huchapakuqkunawan, qollqella kuyaqkunawan, ídolo yupaychaqkunawan, cuento qepikunawan, sinkakuqkunawan hinaspa suwakunawan mana hukllawanakunaykichikpaqmi. Chaykunawanqa amam kuskapas mikunkichikchu. 12Manam ñoqaqa mana iñiqkunataqa juzgaymanchu, iñiqkunatam ichaqa qamkuna juzganaykichik. 13Diosmi mana iñiqkunataqa juzganqa. Qamkuna ukupi chay mana allin runataqa qarqoychik.
Currently Selected:
1 Corintios 5: RCHQ2
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
