1 KORINICA 6
6
Sa vunauci ira ko koya ni ra sa lako vei ira era sa sega ni lotu me ra lewai, 18. Sa tukuna ni na sega ni rawata na matanitu ni Kalou na tamata ca, 911. A yagoda sa sega ni noda walega, sa nei Karisito ga, ka sa vale ni Yalo Tabu; o koya me da kakua kina ni vakacacana, 1220.
1E dua beka vei kemudou sa doudou, ni rau sa veicudruvi kei na dua tani, me rau laki lewai e na matadra na tawa-yalododonu, ka me kakua ga e na matadra na lotu? 2Dou sa sega beka ni kila ni na lewai ira na kai vuravura ko ira era sa lotu? ia kevaka dou na lewai ira na kai vuravura, dou sa sega beka ni yaga mo dou lewa na ka lalai sara? 3Dou sa sega beka ni kila ni da na lewai ira na agilose? ia ka sega li ni vakalevu cake me da lewa na veika vakavuravura oqo? 4Ia kevaka dou sa ia na veilewai e na ka vakavuravura, dou lesi ira kina era sa dokai vakalailai sara e nai soqosoqo lewe ni lotu? 5Au sa vosa, mo dou madua kina. E dina beka ni sa sega sara e dua vei kemudou sa vuku, me lewai ira rawa na wekana? 6a ra sa lako na veiwekani me ra veilewai, io, e na matadra era sa sega ni vakabauta? 7Ia sa qai ka ca vakaidina vei kemudou oqo, ni dou sa daukauta na ka ki na veilewai. E vakaevei ni dou sa sega ni vosota ni dou sa vakacacani? e vakaevei ni dou sa sega ni vosota ni dou kovei? 8Ia koi kemudou, dou sa dauveivakacaca, dou sa daukovekove, io, vei ira na wekamudou.
9Dou sa sega beka ni kila, ni na sega ni rawata na matanitu ni Kalou ko ira sa sega ni yalododonu? Dou kakua ni vakaisini kemudou: o ira na daudara, kei ira na dausoro ki na matakau, kei ira na dauyalewa, kei ira na viavia vaka na yalewa, kei ira na veimoceri vakatagane, 10kei ira na daubutako, kei ira na daukocokoco, kei ira na daumateni, kei ira na dauveivakasewasewani, kei ira na daukovekove, era na sega ni rawata na matanitu ni Kalou. 11Ia dou sa vakakina eliu koi kemudou eso: ia dou sa sili, dou sa vakasavasavataki, dou sa vakadonui, e na yaca ni Turaga ko Jisu Karisito, kei na Yalo ni noda Kalou.
12Sa tara vei au na ka kecega, ia ka sa sega ni yaga na ka kecega; sa tara vei au na ka kecega, ia kau na sega ni laiva me rawai au e dua na ka. 13Sa ka ni kete na kakana, ka sa ka ni kakana na kete: ia ena vakarusai rau ruarua na Kalou. Ia na yago sa sega ni ka me daudara, ia me nei koya ga na Turaga; ka sa yaga na Turaga ki na yago. 14Ia na Kalou ka vakatura cake na Turaga, ena vakaturi keda cake talega, e na nona kaukauwa. 15Dou sa sega beka ni kila ni sa veitiki i Karisito na yagomudou? ia meu kauta beka na veitiki i Karisito, ka cakava me veitiki i koya na yalewa dautagane? Me kakua sara. 16E vakaevei? dou sa sega beka ni kila, o koya sa veitau kei na yalewa dautagane erau sa yago e dua bau? ni sa kaya ko koya, Oi rau na lewe rua, erau na yago e dua bau. 17Ia ko koya sa kabita na Turaga erau sa yalovata. 18Dou dro tani mai na daudara. Sa ka e taudaku ni yago nai valavala ca kecega sa kitaka na tamata, ia ko koya sa daudara sai valavala ca ki na yagona. 19E vakaevei? dou sa sega beka ni kila ni sa vale ni Yalo Tabu na yagomudou, o koya sa curumi kemudou, o koya dou sa rawata mai vua na Kalou, ia dou sa sega ni nomudou? 20ni dou sa voli e nai voli; o koya oqo mo dou qai vakarokorokotaka na Kalou, e na yagomudou.
Currently Selected:
1 KORINICA 6: FOV
Highlight
Share
Compare
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
