1 KORINICA 5
5
Sa vunauci ira ko Paula ni ra sa sega ni madua ni sa dua vei ira sai valavala ca sara, 15. E vinaka me da kakua ni veitokani kei ira na tamata ca, se muri ira era sa lotu kai valavala ca tiko; e vinaka me tawasei tani na tamata sa vakakina, 613.
1Sa rogo sara ni sa dua vei kemudou sa dauyalewa, ia na dauyalewa vaka ko ya sa sega ni vosataki vei ira era sa sega ni lotu, ni sa dua sa taura na wati i tamana. 2Ia dou sa viavialevu, ka sega ni tagicaka, me biu tani kina vei kemudou ko koya sa kitaka na ka oqo. 3Ia koi au, niu sa yali vakayago, ia sa tiko vata kei kemudou na yaloqu, au sa lewai koya sa cakava na ka oqo, me vaka kau sa tiko kina, 4e na yaca ni noda Turaga ko Jisu Karisito, ni dou sa soqoni vata tu, kei na yaloqu, kei na kaukauwa ni noda Turaga ko Jisu, 5me soli koya sa vakaoqo vei Setani me vakarusai kina na yagona, me vakabulai na yalona e na siga ni Turaga ko Jisu.
6Sa sega ni vinaka na nomudou vosa doudou. Dou sa sega beka ni kila sa dauvakalevenitaka nai buli taucoko na leveni lailai? 7O koya mo dou qai biuta tani na leveni makawa, mo dou yaco kina mei buli vou, me vaka dou sa sega ni vakalevenitaki. Ni sa vakamatei oti e na vukuda na noda lako-sivia, io na Karisito. 8O koya me da qai ia na soqoni, me kakua ga e na leveni makawa, se na leveni ni yaloca, kei nai valavala ca; e na yalosavasava ga kei na yalodina sa sega ni vakaleveni.
9Au a vola vei kemudou e nai vola mo dou kakua ni dautiko vata kei ira na dauyalewa: 10ia ka sa sega ga vei ira na dauyalewa ni vuravura oqo, se vei ira na daukocokoco, se na daukovekove, se na dausoro ki na matakau, ni sa rawa ga oqo kevaka dou lako tani e vuravura. 11Ia oqo ga, kau sa vola vei kemudou, mo dou kakua ni dautiko vata kei na dua sa vakatokai me wekada, o koya sa dauyalewa tiko, se daukocokoco, se dausoro ki na matakau, se dauveivakasewasewani, se daumateni, se daukovekove: mo dou kakua ni kana vata kaya sa vakakina. 12Sa noqu i tavi li meu lewai ira era sa sega ni curu? Ia ko ira era sa curu dou sa lewa se segai? 13Ia ko ira sa sega ni curu sa lewa na Kalou. O koya mo dou qai biuta tani vei kemudou na tamatai valavala ca ko ya.
Currently Selected:
1 KORINICA 5: FOV
Highlight
Share
Compare
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
