Popular Bible Verses from 1 KORINICA 6

Share

E vakaevei? dou sa sega beka ni kila ni sa vale ni Yalo Tabu na yagomudou, o koya sa curumi kemudou, o koya dou sa rawata mai vua na Kalou, ia dou sa sega ni nomudou? ni dou sa voli e nai voli; o koya oqo mo dou qai vakarokorokotaka na Kalou, e na yagomudou.

Dou sa sega beka ni kila, ni na sega ni rawata na matanitu ni Kalou ko ira sa sega ni yalododonu? Dou kakua ni vakaisini kemudou: o ira na daudara, kei ira na dausoro ki na matakau, kei ira na dauyalewa, kei ira na viavia vaka na yalewa, kei ira na veimoceri vakatagane, kei ira na daubutako, kei ira na daukocokoco, kei ira na daumateni, kei ira na dauveivakasewasewani, kei ira na daukovekove, era na sega ni rawata na matanitu ni Kalou.

Dou dro tani mai na daudara. Sa ka e taudaku ni yago nai valavala ca kecega sa kitaka na tamata, ia ko koya sa daudara sai valavala ca ki na yagona.

Sa tara vei au na ka kecega, ia ka sa sega ni yaga na ka kecega; sa tara vei au na ka kecega, ia kau na sega ni laiva me rawai au e dua na ka.

Ia na Kalou ka vakatura cake na Turaga, ena vakaturi keda cake talega, e na nona kaukauwa.