Sal 64
64
Re' reey David xupahqaaj ree Dios chi naa ruko'ljiik pan kiq'ab' i aj ixowaal
1Hat nuDios, chab'iraj tii weh i nutiij,
ruum ma' k'isiin i nuyohb'eesjiik inki a'n i aj ixowaal, kinako'leej tii pan kiq'ab'.
2Kinako'leej chuwach k'achi' kiyejaam wach panke'lik i yiib' wach kina'ojb'al.
Kinako'leej chuwach inkikapaaj wach nunaah i ma' holohik ta kib'anik.
3Xa q'as chik i ju' kaaq' chi q'orik, xa je' chik q'aslaj ch'ihch'.
Eh xiik' naah ti'kiil kiq'orik xa je' chik rukab' inqajik wii' i ju' i flecha.
4Eh panke'lik, chi ma' eht'alimaj inkikut chaloq chi flecha taqe i ma' xta kimahk,
ma' kiyo'jik ta chub'aan.
5Re' keh inki a'n i yiib' wach na'ojb'al.
Eh inkikoj ruxirob'aal taqe i ma' xta kimahk,
eh inkikapaaj chi ma' awach ta nilwik keh.
6Eh inkikapaaj chi ma' awach ta naa runab'iniik reh i ma' holohik taj inki a'n
Korik ma' awach ta naa neenab'inik reh
xa re' la' re' i QaJaaw Dios reht'al inkikapaaj pan kánima.
7Re' wo' QaJaaw Dios naa ruye'wiik keh panti' k'axik,
naakik'utariik chi flecha.
8Re' keh xa ruuk' i kiq'oral naa kiq'ehb'iik,
eh nik' k'ihaal i naa rilwiik keh naakikaqse'ljiik kuum.
9Eh re' i tinamit, q'e' naa kiyo'jiik,
naa kiq'orom rib'iral i rukamaj i Dios.
Eh naa kireqem chi riij taqe i nimaq wach na'ojb'al i rub'an.
10Re' korik wach ruk'ux naa rusuuqb'iik ruk'ux ruuk' i Dios,
ruuk' i reh naa ruye'em ruk'ux.
Eh chu'nchel i holohik kib'anik naakiye'em ruloq'il i Dios.
Currently Selected:
Sal 64: POK
Highlight
Copy
Compare
Share
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
