Sal 63
63
Xa re' wo' Dios inye'wik rusuqkiil ruk'ux i winaq
1QaJaaw Dios, re' hin chu'nchel nuk'ux tinusik pantaq wahq'eq.
Je' rukab' noq iraaj ruhaa' chiqiij laj ak'al,
Eh inchiqik chii' i wánima reh asik'ariik i hat nuDios.
2Re' hin inwaaj wo' chik wilom awajaawriik, aaloq'il
chupaam i loq'laj apaat je' rukab' i wilom chaloq noq xub'an.
3Ruum re' ak'axb'al xiik' naah loq'il chuwach i k'acharik,
je' re' noq ruuk' nuchii' naa kaat nuloq'em.
4Chi je' re' naa kaat nuloq'em panuk'achariik.
Eh naa nujosam i nuq'ab' noq naa nub'anam johtoq nutiij chawach.
5Chi je' re' QaJaaw Dios naa ruch'iklojiik nuk'ux awuuk',
je' naa nunujisam wiib' ruuk' i suq laj wi'k ha'.
Eh ruum i rusuqkiil nuk'ux naa kaat nuloq'em ruuk' nuchii'.
6Eh pantaq chaq'ab' noq hin chik yohkinaq,
ink'ulik cho panuk'ux aawotob'il, tinukapaaj wo' hoq.
7Ruum xa re' wo' hat titoob'inik weh
i q'e' suq nuk'ux awuuk',
ri'si-aaxiik' k'ahchi' kiin ako'leem.
8Re' hat tichopwik nunaah panuk'achariik,
eh ma' jaruuj nee kinakanaa' chi wutkeel.
9Eh re' taqe inkaaj nukanteesjiik peet i keh
naa kikimiik, eh peet naakimuhqiik.
10Re' keh naa kikanteesjiik ruuk' q'aslaj ch'ihch',
eh naakik'uxariik kuum i xojb'.
11Eh re' hin i reey naa rusuuqb'iik nuk'ux ruuk' i Dios.
Naa wo' kiye'em ruloq'il i Dios
ruuk' kitz'uuy inkiq'or i korik parub'ihnaal.
Eh re' taqe i chukul q'orik, naa rutz'apariik i kichii'.
Currently Selected:
Sal 63: POK
Highlight
Copy
Compare
Share
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
