Sal 2
2
Re' taaq'anik naa rub'anam i Reey rusik'im wach i QaJaaw Dios
1¿Chib'ih reet noq yohb'aal wach i kijosq'iil i tinamit?
¿Chib'ih reet noq inkiyejaa' wach rub'aan i xama' xta ruk'am chaloq?
2Re' taqe i reey, taqe i aj taaq'oom wilkeeb' wach ak'al
inkija' wachej i QaJaaw Dios,
eh inkimol kiib' chub'anariik i re' ma' re' chi riij i rukuxisam, rusik'im cho wach.
3Eh kow inkiq'or chi je' wili:
Qa a'n reh, qesaj i rajaawriik qoh rutaq'aaj wii', qesaj qiib' pan q'ab', inki taqe.
4Xanaah re' i QaJaaw Dios wilik chi Reyil pan taxaaj
xa ruse'laaj chaloq inkiq'or.
5Re' reh xuyohb'isaj taqe, ruuk' ruk'aah
eh panaqaaw xuq'or keh chi je' wili:
6Re' hin xin sik'wik wach i nuReey,
eh xnukoj chi Reyil chinaah i yuuq' Sión chupaam i nuSantolaj Ye'aab', inki.
7Re' Reey paab'amaj, je' wili xuq'or:
Re' hin naa nuq'orom rib'iral i xuk'ul ruk'ux
i QaJaaw Dios, re' xq'orik weh chi je' wili:
Re' hat, hat wak'uun, eh re' hin xin ye'wik aak'achariik yu'naak.
8Chapahqaaj weh i nimaq tinamit neenuyeew aweh chi akooch.
Nee nuq'asaj panaq'ab' chu'nchel i junsuut i wach ak'al.
9Re' hat je' naa karote ch'ihch' i naa ruwihiik
panaq'ab' noq naa awihiik chi taaq'anik chikinaah taqe i reey.
Eh je' kixerariik ak'al xun naa a'nam taqe, inki.
10Re' taq i hat wilkaat taq chi reyil, je' wo' taq i hat,
i hat taq aj taaq'oom, chareq taq chi riij taqe wili.
Chatijej taq chi korik i naa nuq'orom taq aweh.
11Chayohleej taq wach i QaJaaw Dios.
Eh cha a'n taq i rukamaj chi suq suq taq ak'ux.
12Chayeew taq ruloq'il i Ak'uunb'ees,
reh chi ma' nee ta nchalik ruk'aah,
eh ma' nee ta taq tikimik na'chub'an.
Chawik'raaj taq manqop wach i rujosq'iil taq cha naah.
Atoob' keh i ruuk' Ak'uunb'ees inkiyeew i kik'ux.
Currently Selected:
Sal 2: POK
Highlight
Share
Compare
Copy
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
