Sal 1
1
Re' i xti korik laj suq kiil k'uxliis
1Atoob' reh awach i ma' runimaj taj i kitaqchi' taqe i yiib' wach i kina'ojb'al,
ni xata ruk'am naah inki a'n taqe i aj mahk,
eh ma' ntzuhnik ta chi kixilak i kikaqse'lanik ree Dios.
2Ruuk' la' i ruk'uhb'aal i QaJaaw Dios i ruyeew ruk'ux,
eh re' i re' i rutijej riij chi q'iij chi aq'ab'.
3Eh re' imb'anik reh i re',
je' rukab' i chee' tikooj chi chii' jino'q i rooq ha'.
Manlik paruq'ijil inwachinik,
ma' jaruuj inchiqik i xaq.
Eh chu'nchel i rub'an i nelik korik chuwach.
4Raaj taqe i yiib' wach kina'ojb'al keh insahchik kiwach.
Xa je' kikab' i rutuus ixiim, jumehq'iil inkutarik reje wulu' ruum i teew.
5Ruum aj re', re' taqe i yiib' wach kina'ojb'al
ma' naa ta kehtriik i ruk'axb'al i Dios na' b'anroq i q'ataj q'orik.
Eh ma' naa ta kiwihiik chi kixilak i korik wach kik'ux,
6ruum re' taqe korik wach kik'ux re' QaJaaw Dios intoob'inik keh ruuk' inki a'n
Eh re' inki a'n taqe yiib' wach kina'ojb'al naa rojiik sahchoq wach.
Currently Selected:
Sal 1: POK
Highlight
Share
Compare
Copy
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
