Sal 3
3
Re' tiij xub'an i reey David pahqb'al reh i rotob'il i QaJaaw Dios
1WaJaaw nuDios, ma' k'isiin taqe i ki-ixowanik nuwach.
Eh ma' k'isiin taqe inkaaj kianam ti' k'axik weh.
2Ma' k'isiin taqe i je' wili inkiq'or chi wiij:
Re' reh ma' jaruuj naa rukoljiik ruum i Dios, inki taqe.
3Raaj i hat, waJaaw nuDios, re' hat ti ko'linik weh chi nujunsuut.
Re' hat ti ye'wik nuloq'il, re' hat ti ye'wik rukowiil nuk'ux.
4Eh re' hin kow i nupahqaaj i rotob'il i QaJaaw Dios.
Eh re' reh kiruchaq'weej wo' chaloq parusantolaj Ye'aab'.
5Re' hin kinyohkik, kinwirik,
kinwuktik wo' chik chi suq nuk'ux, ruum re' i QaJaaw Dios intoob'inik weh.
6Je' re' noq, re' hin ma' nee ta kinkiyohb'isaj
atoob' ta wilik lajeeb'-oq miil neenkisutej wiij reh i nukanteesjiik.
7Hat waJaaw nuDios, ti chaloq tii wuuk'. Kink'oloq ako'leej.
Re' hat je' naa neenasak' i panaq'kiwach i ki-ixowanik nuwach.
Eh je' naa neenapaxej i wachkehi yiib' wach kina'ojb'al.
8WaJaaw nuDios, re' hat ti ye'wik cho reh i ko'lemb'al iib'.
Je' re' noq qoh atoob'eej i hoj, hoj aatinamiit.
Currently Selected:
Sal 3: POK
Highlight
Share
Compare
Copy
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
