Sal 142
142
Re' tiij xub'an i reey David noq wilik panti' k'axik
1Re' hin kow i nupahqaaj i rotob'il i QaJaaw Dios.
Eh kow i nupahqaaj reh chi naa ruketelaam nuwach.
2Eh xa reh wo' reh i nuq'or taqe i ti' k'axik inchalik chi nunaah.
Reh wo' reh i nuq'or taqe i ruti'kiil nuk'ux.
3Eh noq xiik' naah ti'kiil i wánima,
re' hat Jaaw aweht'al inuk'achariik.
Eh xa aha' ta chik ma' nkikoj i xirob'
panub'eeh reh chi naa kianam weh.
4Eh noq kintz'ehtanik
reje panusak'aaj
ma' awach taj ink'u'loq chi nutoob'jiik.
Ma' awach ta wo' ink'ulik ko'linoq weh.
5QaJaaw Dios, re' hin i nupahqaaj aawotob'il,
je' wili i nuq'or: Re' hat ti ko'linik weh,
xa re' wo' hat wilkaat chinaah i nuk'achariik ayu', kinki.
6Jaaw, chayeew tii weh i nupahqaaj aweh,
ruum q'e' ti' nuk'ux.
Kinako'leej pan kiq'ab' i ki-ixowanik nuwach,
ruum re' keh q'e' taqe kow kiib' chi nuwach i hin.
7Re' hin je' naa pantz'ilom wilkiin.
Kinako'leej tii reh chi nee tinuloq'ej,
eh re' taqe i korik wach kik'ux naa rusuuqb'iik kik'ux wuuk'
noq naakib'iram chi xinako'leej.
Currently Selected:
Sal 142: POK
Highlight
Copy
Compare
Share
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
