Popular Bible Verses from Sal 142

Share

QaJaaw Dios, re' hin i nupahqaaj aawotob'il, je' wili i nuq'or: Re' hat ti ko'linik weh, xa re' wo' hat wilkaat chinaah i nuk'achariik ayu', kinki.

Re' hin je' naa pantz'ilom wilkiin. Kinako'leej tii reh chi nee tinuloq'ej, eh re' taqe i korik wach kik'ux naa rusuuqb'iik kik'ux wuuk' noq naakib'iram chi xinako'leej.

Eh noq xiik' naah ti'kiil i wánima, re' hat Jaaw aweht'al inuk'achariik. Eh xa aha' ta chik ma' nkikoj i xirob' panub'eeh reh chi naa kianam weh.

Re' hin kow i nupahqaaj i rotob'il i QaJaaw Dios. Eh kow i nupahqaaj reh chi naa ruketelaam nuwach.

Jaaw, chayeew tii weh i nupahqaaj aweh, ruum q'e' ti' nuk'ux. Kinako'leej pan kiq'ab' i ki-ixowanik nuwach, ruum re' keh q'e' taqe kow kiib' chi nuwach i hin.