Sal 141
141
Re' reey David xupahqaaj parutiij i rotob'il i Dios
1QaJaaw Dios, re' hin nupahqaaj aawotob'il kinab'iraj tii
chi jumehq'iil. Chayeew weh i nupahqaaj aweh.
2Eh nee ta naq imponik awuuk' i nutiij chi je' k'ohonkiil insensia.
Noq i nujosaj i nuq'ab' chawach je' ta naq rukab'
i mayiij inkiyeew chawach pantaq xq'eq.
3QaJaaw Dios kinaq'il ruuk' i nuq'oral.
Kinaq'il reh chi ma' nee ta nelik reje i yiib' wach q'orik panuchii'.
4Eh maayeew q'ab' chi nee ruq'or nuk'ux taqe i yiib' wach na'ojb'al.
Reh chi ma' nee ta nub'an weh
inki a'n i ma' holohik ta kib'anik.
Eh ma' nee ta kinokik haa' chub'aan i kininq'iij taqe re'.
5Eh wila' kow xiruq'il i korik wach ruk'ux, otob'il neerub'an weh,
je' ink'ohnik laj iq'oom ineerujalk'iij wach nunaah. Eh kow neenub'an nutiij,
reh chi ma' nee ta inkahnik chi je' re' inki a'n weh i yiib' wach kina'ojb'al.
6Re' i k'amal kib'eeh i yiib' wach kina'ojb'al naa kikutarik chaloq naa paat ab'aj.
Eh ar naa kikojom rehtaal chi re' i nuq'or i korik.
7Eh re' i kib'aqil xa aha' naa rukahniik tzuub' chi chii' i rujuleel kamnaq.
Je' rukab' noq inkahnik tzuub' aak'al noq ink'otarik reje paam.
8QaJaaw Dios, re' hin awuuk' i nuyeew inaq'nuwach.
Eh awuuk' hat inusik' ko'lemb'al wiib',
ruum weht'al chi ma' nee ta kinakanaa' chi wutkeel.
9Jaaw kinako'leej tii chuwach i kixirob'.
Re' keh inkikoj i xirob' panub'eeh, reh chi naa kianam weh.
10Eh re' ta naq i yiib' wach kina'ojb'al neekiq'ehb'ik chupaam i kixirob',
eh re' hin, nee kinooj chi nuwach.
Currently Selected:
Sal 141: POK
Highlight
Copy
Compare
Share
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
