Sal 138
138
Re' tiij loq'oomb'al reh i QaJaaw Dios ruum i rotob'il
1QaJaaw Dios re' hin naa kaat nuloq'em chu'nchel i wánima.
Eh xa re' wo' hat naa nutz'uyem awach, chikiwach i tiyoox.
2Re' hin naa nuxuk'aam wiib' chupaam i aapaat,
reh alooq'jiik ruum hat aj keteloom wachiis,
eh korik wach ak'ux.
Eh ruum chi xa re' wo' ab'ihnaal,
xa re' wo' aq'oral nim rajaawriik chikinaah i xa chib'ih wilkeeb'.
3Eh noq xnupahqaaj aawotob'il xinatob'eej wo' hoq, eh xayeew wo' ruman i rukowiil nuk'ux.
4Chu'nchel i reey wilkeeb' sut i wach ak'al naa kaat kiloq'em
na'kib'iraj rib'iral i na a'nam, re' aq'orom cho ruuk' aachii'.
5QaJaaw Dios re' hat chu'nchel naakitz'uyiniik awach, ruum taqe i xa a'n.
Eh ruum chi q'e' nim aaloq'il.
6Re' hat q'e' inaketelaaj kiwach i xama' nimaq ta kiwach.
Eh ma' suq ta kilariik i na a'n i inkinimb'isaj kiwach.
7Noq wilkiin panyohb'aal
re' hat ti ko'linik riij i nuk'achariik.
Eh i nayeew weh awajaawriik,
kinako'leej chuwach i kijosq'iil taqe i ki-ixowanik nuwach.
8QaJaaw Dios, korehtaal inamanaa' wach awotob'il wuuk',
ruum juneliik wilik ketelinik wachiis awuuk'.
Je' re' noq, chamanaa' wach aakamaj atoq'aam cho wuuk'.
Currently Selected:
Sal 138: POK
Highlight
Copy
Compare
Share
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
