Sal 137
137
Re' ruti'kiil kik'ux i aj Israel noq xi wihik Babilonia
1Noq inqatzunaa' qiib' chi chii'
taqe nim haa' ar Babilonia,
inchalik qoq'iim noq ink'ulik cho panqak'ux i tinamit, Sión.
2Eh chinaah taqe i q'ab' i chee'
wilkeeb' ar inqat'uyaa' taqe qarpa.
3Re' taqe i xi k'amwik reje qeh pan tokoom tinamit,
i xiq'uchwik chib'ih qeh, je' wili i xkiq'or qeh:
Chatz'uyej taq qeh i tz'uuy chi suq taq ak'ux
je' rukab' taq i natz'uyej Sión, inki taqe.
4Eh ¿Nik' wach noq neenqatz'uyej i tz'uuy loq'oomb'al
reeh QaJaaw Dios pan tokoom tinamit?
5Eh wila' xat sahchik panuk'ux i hat Jerusaleem,
i ruk'ul chi neenchiqik i rusak'aaj nuq'ab'.
6Eh i ruk'ul chi nee ruchop i panujah-aay i waaq'
wila' ma' nuyeew chik awajaawriik,
wila' ma' tik'ulik chik panuk'ux, eh chi re' hat
ti ye'wik rusuqkiil nuk'ux i hat Jerusaleem.
7QaJaaw Dios maakanaa' chi je' re' i xkian qeh i aj Edom,
noq xb'aan reh i Jerusaleem je' wili xkiq'or:
Chasach taq wach,
chasach taq wach chi jumpech, inki taqe.
8Re' taq hat aj Babilonia naa taq rusahchiik awach.
Atoob' reh awach naa ruq'ajwiik wach taq aweh
i ti' k'axik xa a'n taq qeh.
9Atoob' reh awach i naa ruchopom taq aakok' ha'lak'uun,
eh naa ruq'ojib'eem wa taq ab'aj.
Currently Selected:
Sal 137: POK
Highlight
Copy
Compare
Share
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
