Sal 136
136
Re' rulooq'jiik i QaJaaw Dios ruum juneliik wilik i ketelinik wachiis ruuk'
1Chaloq'ej taq i QaJaaw Dios, ruum re' reh q'e' atoob',
ruum juneliik wilik ketelinik wachiis ruuk.
2Chaloq'ej taq i QaJaaw Dios, ruum nim rajaawriik chikiwach taqe i tiyoox,
ruum juneliik wilik ketelinik wachiis ruuk'.
3Chaloq'ej taq i QaJaaw Dios, re' i ajaab'ees chikinaah taqe ajaab'ees,
ruum juneliik wilik ketelinik wachiis ruuk'.
4Xa re' wo' reh, i QaJaaw i rub'an taqe i ma' ilooj taj,
ruum juneliik wilik ketelinik wachiis ruuk'.
5Re' reh i xyej-anik reh i taxaaj ruuk' i runa'ojb'al,
ruum juneliik wilik ketelinik wachiis ruuk'.
6Re' reh xyej-anik reh i wach ak'al chinaah i ha',
ruum juneliik wilik ketelinik wachiis ruuk'.
7Re' reh xyej-anik reh i q'iij je' wo' i poh,
ruum juneliik wilik ketelinik wachiis ruuk'.
8Re' q'iij xuyejaa' reh chi naa rusihq'iniik pan q'iij,
ruum juneliik wilik ketelinik wachiis ruuk'.
9Re' poh, re' taqe i ch'umiil xuyejaa' reh chi naa kisihq'iniik chaq'ab',
ruum juneliik wilik ketelinik wachiis ruuk'.
10Re' reh xkansanik keh chu'nchel i peet kak'uun i aj Egipto,
ruum juneliik wilik ketelinik wachiis ruuk'.
11Re' reh x-eesanik cho Egipto i rutinamiit Israel,
ruum juneliik wilik i ketelinik wachiis ruuk'.
12Eh ruuk' i runimaal i rajaawriik xresaj taqe chaloq,
ruum juneliik wilik ketelinik wachiis ruuk'.
13Re' reh xch'aqwik panyejaal i kaq palaw,
ruum juneliik wilik ketelinik wachiis ruuk.
14Re' reh x-ik'sanik cho keh i aj Israel chi yejaal i palaw,
ruum juneliik wilik ketelinik wachiis ruuk'.
15Re' reh xkutwik chupaam i kaq palaw i kireey, i ki soldado aj Egipto,
ruum juneliik wilik ketelinik wachiis ruuk'.
16Re' reh xb'esanik cho reh i rutinamiit chupaam i ye'aab' chiq yuuq',
ruum juneliik wilik ketelinik wachiis ruuk'.
17Re' reh xkansanik keh i reey q'e' nimaq kiwach,
ruum juneliik wilik ketelinik wachiis ruuk'.
18Re' reh xkansanik keh i reey q'e' naq kow kiib',
ruum juneliik wilik ketelinik wachiis ruuk'.
19Re' reh xkansanik reh i Sehón, i kireey i aj amorreo,
ruum juneliik wilik i ketelinik wachiis ruuk'.
20Re' reh xkansanik reh i Og, kireey i aj Basán,
ruum juneliik wilik ketelinik wachiis ruuk'.
21Re' reh xch'aqwik reh i kiye'aab' naq i reey re' re',
ruum juneliik wilik ketelinik wachiis ruuk'.
22Eh re' reh xye'wik i ye'aab' re' re' keh i aj Israel re' taqe i raj kamanoom,
ruum juneliik wilik i ketelinik wachiis ruuk'.
23Re' reh intoob'inik qeh noq wilkooj panti' k'axik,
ruum juneliik wilik ketelinik wachiis ruuk'.
24Re' reh inko'linik qeh pan kiq'ab' i ki-ixowanik qawach,
ruum juneliik wilik i ketelinik wachiis ruuk'.
25Re' reh ink'uxlanik keh i tinamit, je' wo' taqe i chikop,
ruum juneliik wilik i ketelinik wachiis ruuk'.
26Chayeew taq ruloq'il i QaJaaw Dios wilik cho pan taxaaj,
ruum juneliik wilik ketelinik wachiis ruuk.
Currently Selected:
Sal 136: POK
Highlight
Copy
Compare
Share
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
