Sal 135
135
Re' k'achlik Dios wilik rajaawriik, re' taqe i tiyoox ma' xta kajaawriik
1Qaloq'ej taq i rub'ihnaal i QaJaaw Dios.
Chaloq'ej taq i hat i tib'anik taq reh i rukamaj.
2Chayeew taq ruloq'il i QaJaaw Dios i hat i wilkaat taq chupaam i rupaat.
Je' wo' taq i hat i wilkaat taq chi chii' i rupaat i QaJaaw Dios.
3Chaloq'ej taq i QaJaaw Dios ruum re' reh q'e' atoob'.
Eh cha a'n taq atz'uuy ye'b'al ruloq'il, ruum re' reh q'e' chaq'laam.
4Re' QaJaaw Dios xusik' cho wach i Jacob,
eh xusik' cho wach i Israel reh chi xukanaa' chi rutinamiit.
5Re' hin weht'al chi korik chi xa re' wo' QaJaaw Dios
k'achlik wilik rajaawriik chikiwach taqe i tiyoox.
6Re' QaJaaw Dios chib'ih i rub'an pan taxaaj,
i rub'an wo' wach ak'al, i rub'an wo' chinaah palaw,
i rub'an wo' pantaq i julkahq.
7Eh i rutaq'aaj chaloq i suutz' chinaah chu'nchel i wach ak'al,
i ruyeew chaloq i kahoq noq i rub'an i jab',
eh i rutaq'aaj chaloq i teew wach ak'al.
8Re' QaJaaw Dios xkansanik keh chu'nchel i peet kak'uun taqe i aj Egipto,
je' wo' chu'nchel i peet rak'uun i kichikoop.
9Eh ma' k'isiin taqe i ma' ilooj taj xub'an ar Egipto
reh chi xchalik ruyo'jiik i reey, je' wo' taqe i kikamanik ruuk'.
10Ma' k'isiin taqe i nimaq tinamit xusach kiwach.
Eh xusach wo' kiwach taqe i reey q'e' kow kiib'.
11Xukansaj i Sehón, kireey i aj amorreo,
je' wo' hoq i Og, kireey i aj Basán,
je' wo' chu'nchel i kireey i aj Canaán.
12Re' i kiye'aab' naq taqe i reey re' re',
xuyeew i QaJaaw Dios chi kikooch i rutinamiit Israel.
13QaJaaw Dios re' hat k'achalkaat chi juneliik.
Ruum aj re', juneliik naa ak'uliik pankik'ux i tinamit, xajarch'iht pa' naakik'iik.
14Re' QaJaaw Dios parub'ehel naa ruq'atam i q'orik chikinaah i rutinamiit,
eh naa ruketelaam kiwach i raj kamanoom.
15Re' taqe i tinamit, xa oro,
xa plata ruyej-aal i ki dios, xa kiyej-aniik winaq taqe.
16Wilik kichii', xama' kiq'orik ta wo' hoq,
wilik wo' naq naq' kiwach, xama' ki-ilwik ta wo' hoq.
17Wilik kixikin, xama' ki-ib'irinik ta wo' hoq.
Eh xama' k'achalkeeb' ta wo' hoq.
18Eh eliik wach kimemil ruuk' taqe i tiyoox re' re' awach inyej-anik keh,
je' wo' taqe inimanik keh.
19Hat taq aj Israel chayeew taq ruloq'il i QaJaaw Dios,
hat riih rumaam i Aarón chayeew taq ruloq'il i QaJaaw.
20Hat riih rumaam i Leví chayeew taq ruloq'il i QaJaaw Dios.
Eh re' taq i hat i tiyohlinik reh i QaJaaw Dios chayeew taq ruloq'il.
21Eh loq'imaj ta naq i QaJaaw Dios ar Sión,
ruum re' reh ar wilik Jerusaleem.
Loq'imaj ta naq i QaJaaw Dios.
Currently Selected:
Sal 135: POK
Highlight
Copy
Compare
Share
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
