Sal 111
111
Re' ruye'ariik ruloq'il i QaJaaw Dios ruum otob'il xub'an
1Re' hin naa nuye'em ruloq'il i QaJaaw Dios chu'nchel i wánima
noq naa qamolom qiib' kuuk' chu'nchel i korik wach kik'ux.
2Re' taqe i xub'an i QaJaaw Dios xiik' naah loq'il,
eh awach taqe imponik chikiwach inchol kitijem riij.
3Re' taqe i xub'an xiik' naah holwochiil, eh q'e' looq'.
Re' rukorkiil wach ruk'ux ma' jaruuj naa rusahchiik wach.
4Eh ma' jaruuj naa rusahchiik pank'uxliis taqe i ma' ilooj taj xub'an.
Re' QaJaaw Dios q'e' atoob', eh q'e' aj keteloom wachiis.
5Ruum i ruyeew kiwa' kihaa' taqe i kiyohlinik reh.
Eh ma' insahchik ta paruk'ux i ruyejaam cho wach kuuk'.
6Re' i rajaawriik xuk'uhtaaj keh i rutinamiit
noq xuyeew keh i ye'aab' kichopom naq naah i tinamit ma' re' ta taqe aj nimaneel.
7Eh aha' wilik taqe i rub'an i reh, rub'ehel,
eh chu'nchel i ruq'or i ruk'uhb'aal korik wo' hoq.
8Eh ma' naa ta ruyojiik wach i ruk'uhb'aal, naa la' ruwihiik chi juneliik.
Ruum re' re' rub'ehel, eh korik.
9Re' QaJaaw Dios xresaj taqe chaloq panti' k'axik i rutinamiit,
eh xuyejaa' wach kuuk' i naa rub'anam.
Re' Dios Santo, xiik' naah yohb'alil wach.
10Eh re' raa' ri'sil i na'ojb'al re' i ruyohljiik wach i Dios.
Ruum aj re', holohik kina'ojb'al awach inkik'am naah taqe i ruq'or i ruk'uhb'aal.
Ruuk' ta naq i re' neenye'arik ruloq'il chi juneliik i QaJaaw Dios.
Currently Selected:
Sal 111: POK
Highlight
Copy
Compare
Share
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
