Sal 112
112
Re' i ruyohleej i Dios i nelik korik ruuk' taqe i rub'an
1Atoob' reh awach i ruyohleej wach i QaJaaw Dios.
Eh i ruyeew ruk'ux chub'anariik taqe i ruq'or i ruk'uhb'aal.
2Re' taqe i rak'uun rixq'uun i korik wach ruk'ux,
naa ruye'ariik kajawriik ayu' wach ak'al, eh naakikuxesjiik.
3Re' korik wach ruk'ux naa ruwihiik chib'ih reh parupaat,
eh eliik naa rub'anam otob'il keh i tokoom.
4Re' Dios i rusaquumb'isaj i runa'ojb'al
i korik wach rik'ux, q'e' atoob' keteloom wachiis.
5Re' i holohik runa'ojb'al wilik ketelinik
wachiis ruuk', i ruyeew chi kemeel i chib'ih reh.
Eh parub'ehel i rub'an i ruyak.
6Eh ma' jaruuj naa rojiik chik chi riij,
juneliik naa ruk'uliik pank'uxliis taqe i rub'an.
7Eh ma' naa ta ruyo'jiik ruum i ma' holohik taj inq'orarik chi riij ruum
ruuk' i QaJaaw Dios ch'iklik ruk'ux.
8Re' reh kow ruk'ux ma' inyo'jik taj
xaruse'laj taqe i ki-ixowanik wach.
9Eh i runej taqe neb'aa' i chib'ih reh,
korik wach ruk'ux chi juneliik,
naa ruye'ariik ruloq'il i rajaawriik.
10Eh noq naakilom chi je' re' i yiib' wach kina'ojb'al
naa ruchaliik kik'aah chinaah, naakiqirich'eem naah i keeh.
Eh re' i naa kianam i keh ma' naa ta keliik korik ruuk'.
Currently Selected:
Sal 112: POK
Highlight
Copy
Compare
Share
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
