Sal 110
110
Re' QaJaaw Dios xuyeew rajaawriik i xti manlik reey
1Re' QaJaaw Dios je' wili i xuq'or reh i waJaaw:
Re' hat ti tzuun panusak'aaj,
re' hin korehtaal i nuyeew taqe pana wooq
i ki-ixowanik awach inki.
2Re' QaJaaw Dios ko ar Sión xuyeew cha wajaawriik
chi je' karote.
Reh chi re' chik i hat naa aa taaq'anik chikinaah i ki-ixowanik awach.
3Eh re' aatinamiit xa pankik'ux naa ruchaliik
noq naa kiq'asam kiib' aweh chupaam asantolaj ye'aab'.
Eh naa ruwihiik akowiil chi je' jino'q ak'un,
je' rukab' noq inqajik chaloq i raab' suutz' pantaq wahq'eq.
4Re' QaJaaw Dios xuq'or i xti korik chi je' wili reh i rak'uun:
Re' hat naa akahniik chi hat
kajaaw i k'amal kib'eeh aj tiij chi juneliik,
je' rukab' noq xwihik chaloq i Melquisedec, inki.
5Re' QaJaaw Dios naa ruwihiik panasak'aaj cha toob'jiik,
paruq'ijil i rujosq'iil, na' chusach kiwach i reey.
6Re' reh naa ruq'atwiik i q'orik chikinaah tinamit,
eh i naa rukansam taqe. Eh naa rukahniik chi kutlik
i kiti'jolal chi junsuut i wach ak'al.
7Re' reh naa naq ruq'uhtiik xa re' la' naa wo' chik ruk'uliik raansil ruum
naa ruk'em ruhaa' paraasb'al ha'.
Currently Selected:
Sal 110: POK
Highlight
Copy
Compare
Share
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
