Isa 4
4
1Eh chupaam i q'iij re' re',
naakik'uhliik i winaq, wuquub' chi ixoq i naa kiq'uchum chikiwach jinaj chi winaq,
je' wili i naa kiq'orom reh:
Qoh ak'am chi awehk'een, qa a'n kaxáro awuuk' chawesaj i qak'ixb'ilaal,
re' hoj nee wo' qasik' qawa' qahaa', i qaso', inko'q taqe.
Re' ruq'orariik chi naa kia'nam i suq laj k'acharik i aj Jerusaleem
2Eh chupaam i q'iij re' re', re' i QaJaaw Dios jinaj i naa rutz'uhkrisam johtoq,
ma' k'isiin ta holwochiil, naa ruwihiik ruloq'il,
chi keh i aj Israel ma' naa ta rusachariik kiwach.
Eh re' i kitik naa ruye'wiik runimaal kiwach.
3Eh nik' k'ihaal aj Sión, i aj Jerusaleem, ma' naa ta rusachariik kiwach, konaa wo' chik kik'achariik pan kitinamiit. Eh santo laj rutinamiit i Dios naa ruq'orariik keh. 4Re' QaJaaw Dios noq naa ruq'atam i q'orik, chikinaah i aj mahk. Eh ma' naa ta chik ruye'em q'ab' chi naa kianam i yiib' wach na'ojb'al taqe ixoq aj Sión. Ma' naa ta ruye'em q'ab' chi naa rub'aan ikaansanik Jerusaleem. 5Eh re' i QaJaaw Dios xuyeew i ruloq'il chinaah i yuuq' Sión, je' wo' chikinaah i kimolom kiib' ar chupaam i ruye'aab'. Pan q'iij q'equm pan suutz' i naa ruye'em cho riib' chikinaah, chaq'ab' xaq q'aaq' naa rusihq'iniik cho keh k'uhtb'al reh chikiwach i ruloq'il i QaJaaw Dios. 6Eh naa ruye'em chaloq i kimuuj paam q'iij, reh chi naa ruko'leem taqe chuwach i rutz'a'iil i q'iij. Ruuk' i re' naa ruko'leem taqe chuwach i teew jab'.
Currently Selected:
Isa 4: POK
Highlight
Share
Compare
Copy
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
