Isa 39
39
Re' reey Ezequías xuk'ul taqe i taqareel xutaq'aaj i kireey i aj Babilonia
(2 Rey 20.12-19; 2 Cron 32.27-31)
1Eh chupaam i q'iij re' re', re' rak'uun i Baladán, re' i Merodac-baladán i kireey i aj Babilonia, xrib'iraj rib'iral chi xyowab'jik i Ezequías, eh chi xk'achjik wo' chik. Ruum i re' xutaq'aaj reje ruhuuj, eh xutaq'aaj reje jinaj i rukooch chikiij i aj taqareel. 2Re' Ezequías xasuq chik ruk'ux noq xuk'ul taqe i raj taqareel i reey Merodac-baladán. Eh xuk'uhtaaj keh i rub'ehomal, i ru plata, i ru oro, i k'ih b'uhr wach chi nk'ohnik laj iq'oom taqe i ch'ihch' i rukoj reh q'aq'inik. Eh chu'nchel i wilik chupaam i paat i rub'an wii' taaq'anik Ezequías xuk'uhtaaj keh chu'nchel i aj taqareel. 3Eh re' Isaías jalal ruq'oral i Dios xooj k'oloq ruuk' i reey Ezequías xupahqaaj reh chi je' wili:
¿Aha' kichalik i winaq xi k'ulik awuuk', eh chib'ih i xkiq'or? inki.
Re' i Ezequías je' wili xuq'or:
Re' keh konajt xi chalik ko ar Babilonia, inki.
4Re' Isaías je' wili i xuq'or reh i Ezequías:
¿Chib'ih jariik i xk'ulik kilow chupaam aapaat? inki.
Re' Ezequías je' wili xuq'or:
Re' keh xk'ulik kilow chu'nchel chib'ih jariik wilkeeb' ar. Eh ma' xta chik jino'q i ma' ta xnuk'uhtaaj keh, inki.
5Eh re' Isaías je' wili xuq'or reh i reey Ezequías:
Chab'iraj i naa ruq'orom aweh, i QaJaaw Dios nim rajaawriik: 6Naa ruponiik i q'iij noq chu'nchel i wilkeeb' chupaam i paat re' re', re' taqe i kimolom cho wach taq aamaam awati't xk'uloq ayu' yu'naak naa ruk'amariik reje Babilonia. Ma' xta chik i naa rukahniik ayu'. 7Eh wilik wo' keh taqe awiih aamaam winaq naakik'amariik reje Babilonia naakikanab'jiik chi kapuun, naakikojariik chi cha'jen reh i rupaat i reey, inki.
8Eh re' reey Ezequías, je' wili xuq'or reh Isaías:
Re' ruq'oral i Dios xaq'or weh ma' xta reet.
Xa re' la' nik' chik najtiil i nuk'achariik ayu' ma' ta naq chih i neenuk'ul nee ta naq kinwihik pansuqkiil k'uxliis, inki.
Currently Selected:
Isa 39: POK
Highlight
Copy
Compare
Share
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
