Sal 30
30
Bix richin matioxinik*f30*
1Jehová, kan xkatinnimirisaj k'a, roma kan xinakol.
Kan man xaya' ta k'a q'ij chi ri e etzelanel wichin xekikot ta chuwij.
2Jehová nu-Dios yin,
xink'utuj to'onik chawe y kan xinak'achojirisaj.
3Kan xinakol k'a chuwech ri kamik.
Xasipaj chik k'a nuk'aslen, richin chi man xibemuq ta kan.
4Tibixaj k'a rubi' ri Jehová, rix ri ix ch'aron chik.
Tiya' k'a ruq'ij ri loq'olej rubi'.
5Ri royowal rija' kan xaxe k'a jun ti ramaj nuben.
Jak'a ri rutzil xa kan man k'isel ta.
Stape' k'o oq'ej ri chi'aq'a',
toq niseqer-pe kan k'o chik ri kikoten.
6Toq yin utz ink'o, xinbij k'a chi kan man jun xtisilon wichin.
7Roma rat Jehová, rik'in ri awutzil xaben chuwe chi kow xik'oje',
achi'el jun juyu' ri man jun nisilon richin.
Jak'a toq xinna' chi xinaya' kan juba', kan xsach nuk'u'x.
8Chawe k'a rat Jehová xink'utuj-wi ri to'onik.
Kan chawe k'a rat wajaw xink'utuj joyowanik.
9Xinbij k'a: ¿Achike ta k'a xtuk'en-pe ri nukamik?
¿Achike k'a xtuk'en-pe toq in muqun chik kan?
¿Kan xkitikir kami xtinya' aq'ij toq xa in poqolaj chik?
¿Kan xtitikir kami ri poqolaj ri' xtutzijoj chi man yinamalij ta kan?
10Tabana' utzil Jehová kinawak'axaj y tajoyowaj nuwech.
Jehová, katok to'onel wichin yin.
11Ri nuq'axo'n kan xajel k'a rik'in kikoten;
xawelesaj k'a ri janila bis chuwij y xinanojisaj rik'in kikoten.
12Roma ri' Jehová nu-Dios, kan xtinbixaj k'a ri abi'.
Man yitikir ta k'a yik'oje-qa chaq keri' chi man jun xtinbij.
Xa kan xtinya' k'a aq'ij y xkimatioxin chawe richin jantape'.
Currently Selected:
Sal 30: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
