Popular Bible Verses from Sal 30

Share

Ri royowal rija' kan xaxe k'a jun ti ramaj nuben. Jak'a ri rutzil xa kan man k'isel ta. Stape' k'o oq'ej ri chi'aq'a', toq niseqer-pe kan k'o chik ri kikoten.

Ri nuq'axo'n kan xajel k'a rik'in kikoten; xawelesaj k'a ri janila bis chuwij y xinanojisaj rik'in kikoten. Roma ri' Jehová nu-Dios, kan xtinbixaj k'a ri abi'. Man yitikir ta k'a yik'oje-qa chaq keri' chi man jun xtinbij. Xa kan xtinya' k'a aq'ij y xkimatioxin chawe richin jantape'.

Jehová nu-Dios yin, xink'utuj to'onik chawe y kan xinak'achojirisaj.

Tibixaj k'a rubi' ri Jehová, rix ri ix ch'aron chik. Tiya' k'a ruq'ij ri loq'olej rubi'.

Jehová, kan xkatinnimirisaj k'a, roma kan xinakol. Kan man xaya' ta k'a q'ij chi ri e etzelanel wichin xekikot ta chuwij.