Sal 29
29
Ri ruchuq'a' y ri ruk'ojlemal ri Jehová*f28*
1Tiya' ruq'ij-ruk'ojlen ri Jehová rix ri ix aj-chikajil.
Titzijoj ri utzilej rutzijol roma ri ruk'ojlen y ri ruchuq'a'.
2Tiya' ruq'ij-ruk'ojlen ri kan ruk'amon chire rija'.
Titzijoj ri utzilej rutzijol akuchi k'o-wi.
3Ri ruch'abel ri Jehová kan niq'ajan pa ruwi' ri palou;
kan achi'el k'a ruch'abel ri koqolajay, keri' ri ruch'abel ri Dios.
Ri ruch'abel ri Jehová kan niq'ajan pa ruwi' ronojel ri nima'q taq ya'.
4Ri ruch'abel ri Jehová kan rik'in uchuq'a' nipe.
Ri ruch'abel ri Jehová kan k'o ruruwaq'ijaj.
5Toq nich'on, yerupaxij ri tiox taq che'.
Rik'in k'a ri ruch'abel ri peteneq chupan ri koqolajay,
kan yerupaxij ri tiox taq che' ri ek'o pa Líbano.
6Nuben k'a chi ri juyu' Líbano y ri Hermón*f29* kan yepe silonel pa kiwi'.
Kan yesilon k'a achi'el yetzopin ri nima-alaji' achija' taq wákix,
y achi'el ri wákix richin k'echelaj.
7Ri ruch'abel ri Jehová kan yeruk'aqala' k'a ruxaq q'aq' achi'el nuben ri koyopa'.
8Toq nich'on ri Jehová, kan nusiloj k'a ri tz'iran ruwach'ulew.
Kan nusiloj k'a ri tz'iran ruwach'ulew Cadés.
9Ri ruch'abel ri Jehová kan nuben chi ronojel ri ruxaq ri tuq kan yetzaq-el.
Chuqa' nuben chi ri k'echelaj kan man jun chik che' nik'oje' kan chupan,
rokik chupan ri rachoch rija' konojel k'a nikiya' ruq'ij-ruk'ojlen.
10Kan ja ri Jehová ri niq'aton-tzij pa ruwi' ri ya'.
Kan nik'oje' k'a richin nuq'et-tzij jantape'.
11Nuya' uchuq'a' chire ri rutinamit,
y nrurtisaj rik'in uxlanen.
Currently Selected:
Sal 29: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
