Sal 146
146
Ri Jehová nito'on kichin konojel
1Tinimirisex k'a ruq'ij ri Jehová.
Kan xtinya' k'a ruq'ij ri Jehová rik'in ronojel wánima.
2Kan xtinya' k'a ruq'ij ri Jehová chijun ri nuk'aslen;
kan xkibixan chire ri nu-Dios, rokik in k'es chuwech re ruwach'ulew.
3Man tikuquba' ik'u'x kik'in ri e tata'al,
man tikuquba' ik'u'x kik'in winaqi', ri xa man yetikir ta yixkikol.
4Roma rije' xa yeken, nel-el ri uxla' kik'in y yetzolej chupan ri poqolaj;
y kan chupan ri q'ij ri' niken kik'in rije' ronojel ri kich'obonik.
5Jebel ruwa-ruq'ij ri wineq, ri kan ja ri qa-Dios roj israelita ri nito'on richin,
ri kan nukuquba' ruk'u'x rik'in ri Jehová ri qa-Dios.
6Roma ja rija' xbanon ri kaj y ri ruwach'ulew,
xuben chuqa' ri palou y ronojel ri ek'o chupan;
ri kan jantape' nuben ri nubij.
7Ri Jehová kan nuben ri ruchojmilal kik'in ri yetz'ilox.
y kan nuya' kiway ri yewayjan.
Kan yerukol k'a ri ek'o pa ximonri'il.
8Ri Jehová kan nuben chike ri e moyi' chi yetzu'un.
Kan yeruyek k'a ri e tzaqineq.
Kan yerajo' k'a ri choj kik'aslen.
9Ri Jehová kan yeruchajij ri e aj juk'an chik ruwach'ulew.
Ri meba'i' y ri malkani' kan yeruq'axaj k'a.
Jak'a kan nusech kik'u'x ri e banoy taq etzelal.
10Ri Jehová kan xtuq'et k'a tzij jantape'.
Xtuq'et k'a tzij pa ruwi' ri Sión tibe-q'ij tibe-seq.
Kan tinimirisex k'a aq'ij rat Jehová.
Currently Selected:
Sal 146: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
