Popular Bible Verses from Sal 146

Share

Jebel ruwa-ruq'ij ri wineq, ri kan ja ri qa-Dios roj israelita ri nito'on richin, ri kan nukuquba' ruk'u'x rik'in ri Jehová ri qa-Dios.

Man tikuquba' ik'u'x kik'in ri e tata'al, man tikuquba' ik'u'x kik'in winaqi', ri xa man yetikir ta yixkikol.

Ri Jehová kan nuben ri ruchojmilal kik'in ri yetz'ilox. y kan nuya' kiway ri yewayjan. Kan yerukol k'a ri ek'o pa ximonri'il. Ri Jehová kan nuben chike ri e moyi' chi yetzu'un. Kan yeruyek k'a ri e tzaqineq. Kan yerajo' k'a ri choj kik'aslen.

Roma ja rija' xbanon ri kaj y ri ruwach'ulew, xuben chuqa' ri palou y ronojel ri ek'o chupan; ri kan jantape' nuben ri nubij.

Ri Jehová kan yeruchajij ri e aj juk'an chik ruwach'ulew. Ri meba'i' y ri malkani' kan yeruq'axaj k'a. Jak'a kan nusech kik'u'x ri e banoy taq etzelal.