Sal 143
143
Ri David xukuquba' ruk'u'x rik'in ri Jehová*f126*
1Nimalej Jehová, tabana' utzil tawak'axaj ri nuch'owen.
Tawak'axaj toq nink'utuj utzil chawe.
Tak'uluba-pe ri nuch'abel, roma rat kan naben ri nabij y kan pa ruchojmilal naben ronojel.
2Man yinaya' pa latz', yin ri in asamajel;
roma man jun ri ruyon ta xtuben-qa chi man aj-mak ta chawech rat.
3Ri etzelanel wichin kan chaq in rutzeqeliben k'a.
Rija' xiruqasaj yan pan ulew.
In ruya'on pa jun q'equ'm, achi'el ri jul richin kamineq.
4Yin kan xinmalij k'a nuk'u'x;
ri wánima kan xmayamo' yan qa.
5Noqaqa chinuk'u'x ri q'ij richin ojer.
Ninquqa' rij ronojel ri meyel taq abanobal, rat Jehová.
Ninch'ob rij ri nimalej awuchuq'a'.
6Ninyek k'a ri nuq'a' chawech richin nink'ul to'onik.
Ri wánima kan at royoben, achi'el ri ruwach'ulew ri chaqi'j-chaqi'j rubanon roma maneq ruya'.
7Tabana' utzil Jehová, tak'uluba-pe ri nuch'abel chi'anin roma yin xa yiken yan qa.
Man tawewaj-awi' chinuwech,
man taben chuwe chi in achi'el chik jun kamineq.
8Tabana' chuwe chi ri pa taq nimaq'a' xtintz'et ta ri awajowabal, roma kan nukuquban nuk'u'x awik'in.
Tak'utu' chinuwech ri bey ri akuchi k'o chi yibe-wi, roma awik'in rat yich'on-wi.
9Nimalej Jehová, kinakolo' chikiwech ri e etzelanel wichin
roma kan xaxe awik'in rat ninto-wi-wi'.
10Tak'utu' chinuwech chi ninben ri niqa' chawech, roma kan ja rat ri at nu-Dios;
rik'in ri awajowabal xkinayuqej chupan ri ruchojmilal.
11Tabana' utzil Jehová, pan abi' k'a rat xkik'ase' yin.
Rik'in ri awutzil xkinawelesaj chupan ri q'axo'n.
12Roma ri awajowabal pa nuwi', xke'akamisaj ta k'a ri e etzelanel wichin.
Konojel ri nikajo' yinkikamisaj kan ta xke'ak'is roma yin kan in asamajel.
Currently Selected:
Sal 143: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
