Popular Bible Verses from Sal 143

Share

Tak'utu' chinuwech chi ninben ri niqa' chawech, roma kan ja rat ri at nu-Dios; rik'in ri awajowabal xkinayuqej chupan ri ruchojmilal.

Tabana' chuwe chi ri pa taq nimaq'a' xtintz'et ta ri awajowabal, roma kan nukuquban nuk'u'x awik'in. Tak'utu' chinuwech ri bey ri akuchi k'o chi yibe-wi, roma awik'in rat yich'on-wi.

Nimalej Jehová, kinakolo' chikiwech ri e etzelanel wichin roma kan xaxe awik'in rat ninto-wi-wi'.

Tabana' utzil Jehová, pan abi' k'a rat xkik'ase' yin. Rik'in ri awutzil xkinawelesaj chupan ri q'axo'n.

Nimalej Jehová, tabana' utzil tawak'axaj ri nuch'owen. Tawak'axaj toq nink'utuj utzil chawe. Tak'uluba-pe ri nuch'abel, roma rat kan naben ri nabij y kan pa ruchojmilal naben ronojel.

Tabana' utzil Jehová, tak'uluba-pe ri nuch'abel chi'anin roma yin xa yiken yan qa. Man tawewaj-awi' chinuwech, man taben chuwe chi in achi'el chik jun kamineq.

Noqaqa chinuk'u'x ri q'ij richin ojer. Ninquqa' rij ronojel ri meyel taq abanobal, rat Jehová. Ninch'ob rij ri nimalej awuchuq'a'.