Sal 144
144
Ri ruch'owen ri rey rik'in ri Dios*f127*
1Nimalej ruq'ij ri Jehová, ri nuto'onel;
ri kan nuben chuwe richin yitikir ninben oyowal.
2Rija' yirajo', roma ri' yiruchajij.
Nuya' wuchuq'a', y yirukol.
Nutobal yin, ri kan nukuquban nuk'u'x rik'in.
Ja rija' ri nibanon chi ri winaqi' yek'oje' chuxe' ri nutzij yin.
3Nimalej Jehová, ¿achike ta k'a ok ri wineq richin kan naquqa-pe rij?
¿achike ta k'a ok ri wineq richin chi napoqonaj janila?
4Ri wineq xa kan chi'anin niq'ax-el, achi'el ri kaq'iq'.
Ri q'ij richin ri ruk'aslen xa achi'el ok ri muj ri xa chi'anin niq'ax.
5Nimalej Jehová, tajaqa' k'a ri kaj y kaqaqa-pe.
Ke'achapa' ri juyu' richin ye'el-pe sib chupan.
6Tak'aqa-pe ri koyopa' richin nikitaluj-el-ki' ri e etzelanel awichin.
Tak'aqa-pe ri ach'ab richin ye'animej.
7Kan k'a chila' chikaj tayaka' ri aq'a' pa nuwi';
kinakolo', y kinawelesaj chupan re jun achi'el palou re'.
Kinawelesaj chikiwech ri man e nuwinaq ta.
8Rije' man jun bey nikibij ri qitzij.
Stape' nikijikiba' ri kitzij, man jun bey nikibij ri qitzij.
9Jak'a yin, nimalej Dios, kan xtinbixaj jun k'ak'a' bix chawe.
Xkiq'ojoman rik'in ri salterio y rik'in ri jun q'ojom ri ruk'uan lajuj ruwech k'an.
10Rat Jehová, ri yaya'on ch'akonik chike ri e rey.
Rat ri xakolon richin ri David ri asamajel chuwech ri espada.
11Kinakolo' y kinawelesaj chikiwech ri man e nuwinaq ta,
rije' man jun bey nikibij ri qitzij.
Stape' nikijikiba' ri kitzij, man jun bey nikibij ri qitzij.
12Tabana' chi ri qak'ajol kan chi'anin xkek'iy, achi'el jun ti che' ri rex-rex nitzu'un;
ri qami'al kan xkek'iy ta choj-choj achi'el ri pilar ri e chapayon richin ri rachoch ri rey.
13Chuqa' ri qak'ujay kan jantape' k'a xtinoj rik'in jalajoj ruwech ixin;
ri qawej kan jantape' k'a xkek'iyer,
y kan janila chi awej ri xkek'oje' chupan ri qulew.
14Ri qawákix kan jantape' k'a xkek'oje' kal;
ri e etzelanel qichin man yetikir ta nikijeq jun chik bey richin ye'ok-pe qik'in.
Man xqojuk'uex ta chik el pa ximonri'il.
ni man xtak'axatej ta raqoj-chi'ij richin xibinri'il pa taq bey.
15Jebel ruwa-ruq'ij ri tinamit, ri k'o ronojel re' rik'in;
jebel ruwa-ruq'ij ri tinamit ri ja ri Jehová, ri ru-Dios.
Currently Selected:
Sal 144: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
