Sal 142
142
Ri David nuk'utuj to'onik chire ri Jehová*f125*
1Rik'in ronojel ri wuchuq'a' xkich'on rik'in ri Jehová;
kan nink'utuj k'a ri rujoyowanik ri Jehová pa nuwi' yin.
2Chuwech k'a rija' xtinya-wi ronojel ri nusujunik;
xtinchol k'a chire rija' ri bis ri k'o pa wánima.
3Jehová, toq yin kan janila yibison, rat kan atk'o wik'in richin natz'et ri nubey.
Rat xatz'et chi ri akuchi yibe-wi, ri e etzelanel wichin nikiyala' pikbel pa nubey.
4Yitzu'un ri pa wijkiq'a', y man jun k'o richin yiruto'.
Man jun akuchi ta ninto-wi-wi', ni kan man jun nichajin wichin.
5Yin kan xich'on k'a awik'in rat Jehová;
ninbij k'a chi ja rat ri at nukuqubabel-k'u'x,
y re wawe' chuwech re ruwach'ulew kan xaxe wi rat ri atk'o wik'in.
6Tabana' utzil tawak'axaj ri nuch'abel, roma kan janila in poqonatajineq.
Kinakolo' chikiwech ri e tzeqelibeyon wichin.
Roma rije' kan más kuchuq'a' chinuwech yin.
7Kinawelesaj chupan re ruk'ayewal re', richin chi ninya' aq'ij;
ri winaqi' ri choj kik'aslen xtikimol-ki' wik'in toq rat xtaben ri utzil chuwe richin yinakol.
Currently Selected:
Sal 142: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
