Rouman 16
16
Diverse salutassioun, coun esourtassioun ëncountra la parsialità.
1I v’arcoumandou nosta sourela Febe, ch’a l è diaconessa dë la ciesa dë Cenchrea;
2Afin ch’i la riceive secound ’l Sëgnour, coum a bësogna riceive i sant; e ch’i la assiste ënt tut lon ch’a l avrà da bësogn; përché a l ha esercità l’ouspitalità riguard a diversi, e anche a mè riguard.
3Salute Priscilla e Aquila, i mè co‐ouperatour ën Gesu‐Crist,
4Ch’a l han espost la testa për mia vita, ai quai a l è pa mac mi ch’i rendou grassia, ma dëcò tutte le ciese d’i Gentii.
5E dëcò la ciesa ënt soua ca. Salute Epaineto, ’l mè diletto, ch’a l è i premissi d’Acaia ën Crist.
6Salute Maria, ch’a l ha travaià moutouben për noui.
7Salute Andronico e Giunia, i mè cusin, ch’a soun stait prësoune ënsem a mi, e ch’a soun distint tra i apostoul, e chë ansi a soun stait prima dë mi ën Crist.
8Salute Ampliato, mè diletto al Sëgnour.
9Salute Urban, nost coumpagn d’opera ën Crist, e Stachi, mè diletto.
10Salute Apelle, approuvà ën Crist. Salute coui dë la ca d’Aristobulo.
11Salute Erodioun, mè cusin. Salute coui dë la ca dë Narcisso, ch’a soun ënt ’l Sëgnour.
12Salute Trifena e Trifosa, i quai a travaiou ënt ’l Sëgnour. Salute Perside, la diletta, ch’a l ha moutouben travaià ënt ’l Sëgnour.
13Salute Rufo, elett al Sëgnour, e soua mare, ch’a l è mia.
14Salute Asincrito, Flegonte, Erma, Patroba, Erme, e i fratei ch’a soun ënsem a lour.
15Salute Filologo, e Giulia, Nereo, e soua sourela, e Olimpiade, e tutti i sant ch’a soun ënsem a lour.
16Salute‐ve l’un l’aut coun un sant basin. Le ciese dë Crist a vë salutou.
17Oura i v’esortou, o mei fratei, dë pié‐ve guarda dë coui ch’a soun causa dë divisioun e dë scandoul countra la doutrina ch’i eve ëmparà, e d’allountané‐ve da lour.
18Përché coule sort dë gent a servou nen Nossëgnour Gesu‐Crist, ma a soua pansa propria dë lour; e coun dë parole dousse e d’adulassioun, a seduou i cœur d’i semplici.
19Përché vostra ubbidiensa a l è counoussùa da tutti. I më rallegrou dounque dë voui aiti; ma i desiderou ch’i sie prudent ën quant al ben, e semplici ën quant al mal.
20Oura ’l Diou dë pass a buttërà prest Satan a toc souta i vosti pè. La grassia dë Nossëgnour Gesu‐Crist coun voui Amen!
21Timoteo, mè co‐ouperatour, a vë saluta, coum dëcò Lucio, e Giasoun, e Sosipatro, i mè cusin.
22Mi Terzio ch’i heu scrivù sta lettera, i vë salutou ënt ’l Sëgnour.
23Gajo, doua i soun allougià, e doua ch’a l è tutta la ciesa, a vë saluta. Erasto, ’l proucuratour dë la sità, a vë saluta, e ’l fratel quarto.
24La grassia dë Nossëgnour Gesu‐Crist coun voui tutti. Amen!
25Oura a coul ch’a l è poutent për fé‐ve persisti ënt mè evangeli, e la predicassioun dë Gesu‐Crist, secound la rivelassioun dël misteri ch’a l è stait tasù ënt i temp passà;
26Ma ch’a l è adess manifestà për meso dë le scriture d’i proufeta, secound ’l coumandament dël Diou eterno, e ch’a l è announsià fra tutti i popoul për mëné‐ie a la fede;
27A Diou, soul savi, sia gloria eternament për Gesu‐Crist. Amen!
Currently Selected:
Rouman 16: PMS1835
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1835
