Lukas 16
16
Yesus mamarahkan totang perumpamaan manejer am hontaa jujur
1Yesus mangesahkan totang perumpamaan ka murid-Nya: “Metuh araa saurang sudagar am mahompu manejer am maatur bagian panataunya. Kemudian urang am sugih iyah manongar bahwa manejernya bapoya-poya dengan panataunya. 2Lalu iaa manimaii manejer iyah dan bapaner, aku mandapat laporan buru totang gawianmu. Laii iyah aku honaa mamecat kolai, dan sahompan bahonti karuh holu laporan totang uras panatauku am jadi diurusmu.” 3Ujaa manejer iyah lalam hatiinya. Apakah am harus Ku karuh? Tuanku mamecatku mulaa jabatan sabagai manejer. Mancangkul aku hontaa kuat, mamintaa-mintaa aku malu. 4Botii aku ingat apa am harus aku karuh! Metuh gawianku jarii hontaa araa mulaa, aku mahompu kawal-kawal am akan mambantu aku tingal di dangau rang. 5Satelah manejer iyah mangaruh rencananya, iaa manimaii uras urang am bautang ka tuannya. Satelah rang datang, iaa batanyaa ka urang am pertama: “Barapaa banyaa utangmu ka tuanku?” 6Urang iyah manjawab: “Aku bahutang tolu ribu tujuh ratus liter binya Zaitun. Kemudian manejer mamarahkan ka inya, itii catatan jumlah utangmu, durulah dan copat ubah utangmu manjadi saribu lapan ratus lima puluh liter.” 7Kemudian manejer batanyaa ka urang am bukan: “Barapaa banyaa utangmu? Urang iyah manjawab, aku bahutang dua puluh ribu kg bulir gandum. Manejer iyah bapaner ka inya. Itii catatan jumlah utangmu. Ubahlah manjadi onam bolas ribu kg gandum. 8Maka majikan mulaa manejer am hontaa jujur iyah mamuji manejernya laii perbuatannya am cerdik iyah, sebab urang-urang di dunia itii lobih cerdik maatur urusan rang dari pada maatur urusan Tuhan.
9Jadi, Aku mamarahkan ka kolai, gunakanlah duit honii mangaruh kemah am baii, jaka duit iyah hontaa sanggup marompuhmu. Kawal-kawalmu dapat manarima kolai di dangaunya salama-lamanya.
Satia lalam perkara am konii
Nasehat
10Jaka kolai satia lalam tanggung jawab masalah konii, Kolai akan satia ka lalam tanggung jawab masalah am bakah. Tatapi apa bila kolai hontaa satia ka lalam tanggung jawab urusan am konii, Kolai pasti hontaa satia lalam tanggung jawab masalah am lobih bakah. 11Jadi, Jaka kolai hontaa dapat di percaya honii maurus panatau am araa di dunia itii, maka jarii pasti Tuhan hontaa akan mempercayai kolai dengan panatau di sorga am sabujurnya. 12Jaka kolai hontaa satia di lalam maurus panatau urang bukan, maka pastilah Tuhan hontaa akan mamoriikan sasuatu am akan kolai urus kanirii.
13Saurang hamba hontaa dapat mangabdi ka dua tuannya. Jaka camiyah iaa akan gili ka suti urang dan sihaa ka am bukan, atau iaa akan satia ka urang am sutinya dan hontaa mahiraukan am bukan. Kolai hontaa dapat mangabdi ka Allah dan ka panatau.”
14Urang-urang Farisi manongar urasnya am di paner Yesus. Lalu rang manggorah-Nya, sebab rang sukaa duit. 15Tatapi Yesus bapaner ka rang: “kolai mangaruh diriimu am paling bujur di paharap urang, tatapi Allah ingat pikiranmu am jahat. Allah gili hal-hal am dianggap banilai tingii laii kalunen.”
16“Sahompan Yohanes Pembaptis datang, kolai urang-urang Yahudi, maumaa parintah hukum Musa dan kitab-kitab Nabi am ditulis laii para utusan Tuhan. Tatapi botii manaing pantal mulaa Tuhan dan kabar baii tontang Karajaan Allah jarii di kabarkan, dan banyaa urang am bajuang dengan ponuh semangat akan tamaa di lalam Kerajaan iyah. 17Tatapi lobih mudah langit dan bumi lenyap, dari pada suti huruf lalam parintah hukum Musa manjadi batal.
18Sabagai contoh, jaka saurang kalaki sarakan biniinya dan manihkah mulaa dengan labini am bukan, inya mangaruh perzinahan. Satiap kalaki am manihkah labini am jarii sara inya mangaruh perzinahan jam.”
Perumpamaan Urang sugih dan Lazarus am susah
19Kemudian Yesus mangesahkan perumpamaan am bukannya: “Hariah araa hidup saurang am sugih mahonii pakaian am amat mahal dan romis, urang sugih iyah mangaruh pesta satiap arii.” 20Araa jam Lazarus saurang am susah lalam suti parumpamaan am tubuh nya diponohi laii bagai. Babarapa urang biasanya manaing dan mangoranya di pintu gerbang dangau urang sugih iyah. 21Lazarus honaa mamakan sisa-sisa makanan am jarii di makan urang sugih iyah. Salain iyah asuu-asuu datang dan mangilat bagainya. 22Akhirnya, urang malang iyah matii. Para Malaikat utusan mulaa Tuhan manaingnya barotaa dengan hiaa umbuh dirii, Abraham. Urang am sugih iyah matii jam dan inya di kubur. 23Kemudian inya ingkas ka urang matii lubang homan hukuman dan penderitaan, diah Lazarus urang susah lalam suti parumpamaan amat mandarita. Kemudian inya manampai katingi dan mailaa Abraham mulaa jauh dan lazarus duru ka homan am terhormat di sorap Abraham. 24Kemudian urang am sugih iyah bapaner dan basoruu, Leluhurku Abraham, sihaailah aku! Mintalah Lazarus manamakan jarinya di lalam arai dan datanglah kotiikan, gorakan ka lilahku sahingga aku manjadi colap. Lazarus saurang penggemis lalam suti parumpamaan amat mandarita di lalam apii itii! 25Tatapi Abraham manjawab: “Anaaku, ingatlah bahwa metuh kolai masih hidup, kolai manarima hal-hal am baii, tatapi Lazarus manarima hal-hal am buru. Botitii Lazarus saurang am susah lalam suti parumpamaan manarima penghiburan samantara kolai mangalami penderitaan am bakah.” 26Dan hontaa bayaa iyah, Allah mangaruh jarak am lebar antaraa kami dan kolai. Jadi, rang am honaa ingkas mulaa ditii ka homanmu, hontaa dapat ingkas dan rang honaa datang mulaa koyah ka kami hontaa ulih. 27Urang sugih iyah bapaner ka Abraham. Aku mohon ka Ikam, ya leluhurku Abraham, satidaknya kirimkanlah Lazarus ka keluargaku. 28Laii aku araa lima manyari kalaki. Jadi, biarlah Lazarus ingkas dan memperingatkan rang supayaa batobat, supayaa rang hontaa datang ka homan am ponuh dengan panyiksaan itii. 29Tatapi Abraham manjawab: “Araa ka rang tontang kasaksian parintah hukum Musa dan nabi-nabi. Rang dapat mambaca kitab-kitab am rang tulis dan batobat atau, rang harus mantaati apa am rang tulis dan batobat. 30Urang sugih iyah bapaner: ‘Leluhurku Abraham, iyah hontaa cukup akan rang honii batobat. Tatapi jaka sasaurang mulaa rang matii datang dan memperingatkan rang, maka rang maningalkan dosa-dosa rang.’ 31Tatapi Abraham manjawab: ‘Jaka rang hontaa mantaati parintah hukum Musa dan kitab-kitab nabi, maka rang hontaa diyakinkan akan batobat sakalipun araa urang am datang mulaa antaraa urang matii am datang akan memperingatkan rang.’”
Currently Selected:
Lukas 16: ATV
Highlight
Copy
Compare
Share
Want to have your highlights saved across all your devices? Sign up or sign in
Tamuan Bible by Beyond Translation is licensed under Creative Commons Attribution-ShareAlike 4.0 License.
