Lukas 15
15
Perumpamaan totang domba am hilaa
(Mat. 18:12-14)
1Metuh para panagih pajak dan banyaa urang am dikasenee sabagai urang am badosa datang ka Yesus akan manongar pangajaran-Nya. 2Mailaa hal iyah pangajar hukum Musa dan urang Farisi manampara mamaimure: “Apa-apa itii! Inya manarima urang-urang am badosa, bahkan makan barotaa rang,” 3Lalu Yesus mangesahkan parumpamaan itii ka rang Yesus bapaner. 4Misalkan salah siku diantara kolai am mahompu saratus iku domba namun hilaa siku. Kolai pasti akan maningal sambilan puluh sambilan iku am araa ka daerah am hontaa araa berpenghuni dan manggau domba am hilaa iyah sampai kolai mandapatkannya? 5Dan Metuh iaa mandapatkannya, inya basuka cita dan amat senang sahingga iaa maincang dan maomah anaa domba iyah kabahunya. 6Kemudian iaa manaing pulang anaa domba iyah ka dangaunya. Inya manimaii uras kawal-kawalnya dan tatangga-tatangganya, samil bapaner: “aku jarii mandapatkan dombaku am hilaa, jadi datanglah ka dangauku dan dirii urasnya tahuu barami-rami.” 7Yesus bapaner: “Dengan cara am samah Allah dan para malaikat-Nya akan tingal ka Sorga homan Allah dan malaikat-malaikat tingal amat basuka cita laii suti urang am badosa baulang ka Allah laii sambilan puluh sambilan urang baii am hontaa perlu batobat.”
Kesah totang Koin am hilaa
8Yesus mangesahkan suti kesah am bukan, seandainya saurang labini mahompu sapuluh keping duit perak dan hilaa suti. Hontakah iaa manyalakan palitaa, manyapuu dangaunya dan manggau keping duit perak am hilaa iyah dengan hatii-hatii sampai iaa mandapatkannya? 9Kemudian inya manimaii kawal-kawalnya dan urang-urang am tingal damping dangaunya. Inya bapaner: “Aku jarii mandapatkan keping duit perak am hilaa. Jadi, datanglah ka dangauku dan dirii urasnya tahuu berbahagia barotaa aku.” 10Camiyah jam Allah dan para Malaikat utusan mulaa Tuhan akan amat basuka cita laii suti urang am badosa batobat mulaa dosa-dosanya.
Yesus bakesah totang dua anaa am hilaa
11Kemudian Yesus mangesahkan suti kesah am bukan Yesus bapaner. Araa saurang kalaki mahompu dua anaa kalaki. 12Anaa kalaki am bunsu bapaner ka ompainya. Tolong borikan panatau ikam botitii dan borikan aku bagianku mulaa warisan itii sahompan ompai matii. Ompainya satujuu dan inya mambagii panataunya akan ka dua anaanya. 13Satelah babarapa arii, anaa kalaki am bunsu iyah manjual bagiannya mulaa tanah dan maalap duitnya lalu ingkas ka kota am jauh. Satelah sampai koyah, inya manjalani kehidupan am bamewah-mewah dan hontaa bamoral dan bapoya-poyaa dengan uras duitnya. 14Kemudian satelah iaa mahabiskan uras panataunya, tajadilah bacanaa kaporan am parah ka kota iyah. Hontaa lamat satelah iyah iaa manjadi susah dan kaporan. 15Lalu inya ingkas bagawi ka saurang petani ka kota iyah. Urang iyah manyuruh mangurus bawi-bawinya di ladang. 16Hontaa araa saurang jam am mamori anaa bunsu iyah makan anaa bunsu iyah manjadi amat kaporan sahingga iaa honaa maisi porutnya dengan makan makanan bawi-bawi iyah, walau jam iaa amat kaporan. 17Metuh anaa bunsu iyah manyadari batapa uwongnya inya, inya bapaner ka diriinya kanirii: “uras pagawai-pagawai ompaiku mahompu banyaa makanan, samantara aku ditii amat kaporan!” 18Aku akan baulang ka ompaiku. Katika aku badapat dengannya, aku akan bapaner ka inya: “Ompai, aku jam jarii badosa ka Allah dan jarii mangaruh am salah ka Ikam. 19Jadi aku hontaa layak Ikam timaii aku anaa-Mu. Sabalinya, perlakukan aku samahkan salah suti pegawaimu.” 20Kemudian inya manampara malakukan pajalanan pulang ka ompainya. Namun katika iaa masih jauh mulaa dangau, ompainya mailaa kadatangannya dan hatiinya di ponuhii dengan asa sihaa ka inya. Ompai baguang manguangnya lalu mahekup dan manciumnya. 21Lalu, anaa iyah bapaner ka ompainya: “Ompai, aku jam jarii badosa ka Allah dan jarii mangaruh am salah ka Ikam. Jadi aku hontaa pantas ikam joku sabagai anaa-Mu.” 22Tatapi ompainya bapaner ka pegawai-pegawainya dan manyuruh rang: “Laca! Taing kotiikan jubah am araa di dangau itii dan pasagkanlah ka anaa-Ku. Borikan dan pasangkan jam cincin ka jari manisnya dan sanal am romis ka kakiinya. 23Satelah iyah taing kotiikan anaa sapi biaa am jobu dan samolihkan, dirii urasnya makan dan basuka cita. 24Ku pikir anaaku itii jarii matii, tatapi botitii iaa jarii pulang ka Aku dan iaa masih hidup! Aku pikir iaa sosat, tapi botii iaa jarii pulang ka dangau. Kemudian rang urasnya namparaa bagamira.”
25Metuh hal iyah tajadi, dongannya am kalaki agii bagawi di ladang. Malam iyah, metuh iaa bajalan pulang dan jarii honaa damping dangau iaa manongar suara urang am agii bamain musik dan manari. 26Metuh jarii sampai ka dangau anaa kalaki am panuhanya iaa manimaii salah suti pegawai dan batanyaa apa am tajadi. 27Pelayan iyah manjawab: “Aring Tuan jarii pulang, dan ompai Tuan manyuruh mamotong anaa sapi biaa am jobu, laii jarii mandapatkan anaanya pulang dengan salamat.” 28Kemudian dongannya am panuhaa amat gusar dan hontaa honaa tamaa ka lalam dangau. Lalu ompainya maluar dan manyuruh iaa tamaa. 29Tatapi dongannya am panuhaa dengan amat gusar iaa manjawab ompainya: “Dongar! Salama itii aku am jarii bagawi samahkan budak akan ikam. Aku hontaa basaa malawan suti jam perintahmu. Tatapi ka aku, ikam hontaa basaa mamoriiku siku kambing konii jam agar aku dapat marayakannya barotaa kawal-kawalku. 30Tatapi haru meh pulang anaa bunsu iyah, iaa jarii mahabiskan panataumu dengan palacur-palacur, ompainya langsung manyamolih anaa sapi biaa am paling jobu akan iaa.” 31Kemudian ompainya bapaner: “Anaaku sayang, kolai ditii salalu dengan aku satiap saat dan urasnya am aku hompu araalah hompumu. 32Tatapi saharusnya dirii marayakan kapulangan aringmu! Laii hariah Ku pikir anaaku itii jarii matii, tatapi tanyata inya masih hidup dan botitii bakumpul mulaa dengan dirii ditii.”
Currently Selected:
Lukas 15: ATV
Highlight
Copy
Compare
Share
Want to have your highlights saved across all your devices? Sign up or sign in
Tamuan Bible by Beyond Translation is licensed under Creative Commons Attribution-ShareAlike 4.0 License.
