Lukas 17
17
Babarapa nasehat
1Yesus bapaner ka murid-Nya: “Setiap urang pasti akan mangalami pencobaan akan mangaruh dosa, tatapi urang am tahan menghadapi pencobaan iyah akan mangalami pencobaan am lobih bakah. 2Lobih baii suti batu kilang dikobatkan kalihirnya, lalu iaa ditibarkan ka laut, dari pada iaa manyosatkan salah suti mulaa urang-urang am lomah itii. 3Jadi bahati-hatilah lalam berkehidupanmu! Jaka manyarimu mangaruh dosa ka kolai, salulah iaa, jaka iaa manyosal dan maafkan inya. 4Bahkan jaka iaa mangaruh dosa tahadap kolai tujuh kali saarii dan tujuh kali iaa baulang ka kolai dan bapaner. Aku manyosal, ikam harus maafkan inya.”
5Lalu Ujaa murid-murid-Nya, bapaner ka Yesus, tammahkanlah iman kami! 6Jawab Tuhan ka rang: “Jaka kolai mangoraa iman sabakah bijii sasawi, kolai ulih bapaner ka puhun ara itii, tacabutlah mulaa tanah dan tatanamlah ka laut!” Dan iaa akan taat ka kolai.
Tuan dan hamba
7Saumpamanya di antaraa kolai am mahompu saurang palayan am metuh bagawi ka huma atau pengembala dan kolai bapaner ka palayan iyah am haru pulang mulaa huma, pengembala iyah laca tamaa lalam dangau lalu duru dan makan? 8Bukankah tuan iyah sabalinya honaa bapaner ka palayannya iyah, sadiakanlah makananku. Kobatlah pugungmu dan layani aku sampai jarii makan dan marai. Dan satelah iyah kolai tahuu makan dan marai. 9Araakah tuan iyah batarima kasih ka palayan iyah, laii palayannya jarii mangaruhkan am jarii di parintahkannya. 10Bebeh jam kolai, apabilaa kolai am di perintahkan ka kolai, honaalah kolai bapaner: “Kami araalah palayan am hontaa baguna, kami bayaa mangaruh apa am kami harus karuh.”
Yesus mambaiikan kasapuluh urang am sakit kusta
11Lalam pajalanan-Nya manuju kota Yerusalem, Yesus malalui jalan wilayah Samaria dan provinsi Galilea. 12Metuh Yesus tamaa ka sutii banua, datanglah sapuluh urang am konaa panyakit bagai am badirii jauh-jauh. 13Dan rang basoruu “Yesus Kristus urang Nazaret, Guru sihaailah kami!” 14Metuh Yesus mailaa rang, Yesus bapaner, Ingkaslah dan pailakanlah diriimu ka imam-imam Yahudi dan Metuh rang lalam pajalananya manjadi barasih mulaa panyakit bagai iyah. 15Metuh salah sutii mulaa urang mailaa bahwa diriinya jarii baii, maka iaa baulang sammil mamuji Allah dengan suara nyaring. 16Lalu basujud ka paharap kaki Yesus dan iaa batarima kasih ka Yesus, urang samaria. 17Lalu Yesus bapaner: “Bukankah sapuluh urang am jarii barasih mulaa panyakit bagai? Kamanihkah sambilan urang am bukannya? 18Hontaa araakah di antaraa rang am baulang akan mamuliakan Allah, salain urang bukan Yahudi?” 19Lalu Yesus bapaner ka urang iyah: “Badirilah dan ingkaslah, imanmu jarii manyalamat kolai.”
Yesus malajarkan tontang waktu kadatangan Kerajaan Allah
(Mat. 24:23-28,36-41)
20Suatu arii metuh Yesus di tanya laii babarapa urang Farisi, kolai hontaa tahuu papankah mampakirakan Karajaan Allah akan datang. Yesus manjawab, Kerajaan Allah akan datang hontaa araa tannaa-tannaa am ulih di ilaa. 21Dan hontaa akan araa urang am dapat mamarahkan. Ilaa karajaan Allah araa kotii! Atau karajaan Allah araa di antaraa kolai. “Sebab Karajaan Allah sabujurnya araa di antaraa dirii.”
22Lalu Yesus bapaner ka murid-murid-Nya “Waktunya akan datang saatnya ka kolai honaa mampailaa suti dari pada arii-arii Anaa Kalunen yaiyah Yesus Kristus iyah tatapi kolai hontaa akan mailaanya.” 23Dan urang-urang akan bapaner ka kolai, ilaa Kristus araa koyah dan ilaa Kristus araa kotii! Hinamlah kolai ingkas diyah, umet kolai umaa. 24Laii Anaa Kalunen akan samahkan kilat am mamancarkan cahaya mulaa ujung langit am sutii ka ujung langit am bukan, camiyah jam Anaa kalunen yaiyah Yesus Kristus pagii, metuh arii kadatangan-Nya. 25Tatapi, Anaa Kalunen harus mananggung banyaa penderitaan holu, dan hontaa di tarima laii urang-urang zaman itii. 26Dan samacam am jarii tajadi metuh di zaman Nuh, camiyah jamlah halnya pagii metuh arii-arii Anaa Kalunen yaiyah Yesus Kristus nyatakan. 27Rang makan dan marai, kawin dan dikawinkan, sampai arii Nuh tamaa ka lalam kapal lalu datanglah banyir bakah dan mambunuh urang saluruhnya. 28Samahkan halnya am tajadi metuh zaman Lot, saat iyah urang-urang makan dan marai, rang mamolii, manjual, mananam dan membangun. 29Tatapi, metuh arii Lot ingkas maluar mulaa Sodom turunlah hujan apii dan hujan balerang mulaa langit dan Sodom di hancurkan laii kajahatan rang. 30Macamiyalah halnya pagii metuh arii, kamanih Anaa Kalunen yaiyah Yesus Kristus manyatakan dirii-Nya. 31Barangsapa metuh arii iyah agii baistirahat, katingi dangau dan barang-barangnya araa ka lalam dangau. Hinamlah iaa turun mangalapnya dan sapaa jam am agii araa di huma, umetlah iaa pulang. 32Tahoyulah dengan binii lot nakan Abraham! 33Barangsapa am bausahaa memeliharaa kosahnya, kosahnya akan hilaa, dan barangsapa kahilangan kosahnya, Yesus akan manyalamatkannya. 34Aku bapaner ka kolai, metuh malam iyah akan araa dua urang am tidur sutii homan tidurnya, am siku akan di taing dan am sikunya akan ditingalkan. 35Araa dua labini barotaa magiling gandum am siku akan di taing dan am sikunya akan ditingalkan.
36Kalau araa dua urang am bagawi kahumaa am siku akan di taing dan am sikunya akan ditingalkan. 37Ujaa rang ka Yesus: “Kamanih Tuhan?” Jawab Yesus ka rang: “Kamanih araa bangkai, diyahlah burung holang akan bakumpul.”
Currently Selected:
Lukas 17: ATV
Highlight
Copy
Compare
Share
Want to have your highlights saved across all your devices? Sign up or sign in
Tamuan Bible by Beyond Translation is licensed under Creative Commons Attribution-ShareAlike 4.0 License.
