Popular Bible Verses from Lukas 16

Share

Jaka kolai satia lalam tanggung jawab masalah konii, Kolai akan satia ka lalam tanggung jawab masalah am bakah. Tatapi apa bila kolai hontaa satia ka lalam tanggung jawab urusan am konii, Kolai pasti hontaa satia lalam tanggung jawab masalah am lobih bakah.

Saurang hamba hontaa dapat mangabdi ka dua tuannya. Jaka camiyah iaa akan gili ka suti urang dan sihaa ka am bukan, atau iaa akan satia ka urang am sutinya dan hontaa mahiraukan am bukan. Kolai hontaa dapat mangabdi ka Allah dan ka panatau.”

Jadi, Jaka kolai hontaa dapat di percaya honii maurus panatau am araa di dunia itii, maka jarii pasti Tuhan hontaa akan mempercayai kolai dengan panatau di sorga am sabujurnya. Jaka kolai hontaa satia di lalam maurus panatau urang bukan, maka pastilah Tuhan hontaa akan mamoriikan sasuatu am akan kolai urus kanirii.

Tatapi Abraham manjawab: ‘Jaka rang hontaa mantaati parintah hukum Musa dan kitab-kitab nabi, maka rang hontaa diyakinkan akan batobat sakalipun araa urang am datang mulaa antaraa urang matii am datang akan memperingatkan rang.’”

Sabagai contoh, jaka saurang kalaki sarakan biniinya dan manihkah mulaa dengan labini am bukan, inya mangaruh perzinahan. Satiap kalaki am manihkah labini am jarii sara inya mangaruh perzinahan jam.”