Lukas 17
17
Yesus ngajar se iro dosa, iman ali tugas
1Ukah iro, Yesus ngulek tong kawan murid Da, Sagar na'an wayah cobaan ye ngene ulun sa taat tong ka Allah, tapi ulun ye mencobai ulun bali di ngene dosa sagar kune hukuman ye doyat. 2Kaye na'an erai batu asa ye solai na suruk te biung da, belalu da na obet tong suang laut, nanga iro ye buen dari pada na hukum, ye ngene na'an erai ulun te antara kawan ulun ye sa be di ihe te goda ngene dosa leka da. 3Aji bebuen di ko sa ngegoda ulun bali di ngene dosa. Kaye erai ke ulun percaya tong ka A'ap ngene dosa, uni da. Kaye da betobat neke kawan dosa da maka ampuni da. 4Mele ulun ye percaya tong ka A'ap ngene dosa tong ka ko turu kali te suang erai olo, belalu tiap kali da sulet tong ka ko pelos ngulek, A'ap betobat, maka ko harus ngampuni da tiap kali ade.
5Ukah iro kawan rasul ngulek tong Tuhan Yesus, Awat kain ihe di percaya tong ka Allah. 6Ukah iro Yesus ngulek tong dali: “Kaye ko be iman, mele halus nget ensoi sesawi, ko sagar ngulek tong ka tonga kayu ye solai ihe, Tebut iro belalu ule te laut, pasti tonga iro sagar pindah tong laut.”
Temangung ali batak ripen
7“Paribasa ye kaye te antara kam be batak ripen ye desung nyangkul tana te ume atawa desung ngegaduh domba.” Pas batak ripen iro uli ke ume, pasti kam sa sagar ngulek tong batak ripen iro: “Sung tong he, tu'et man dile.” 8Tapi, ko nanga ngulek tong batak ripen iro, Ene pengokan malem he di na'ap! Ukah iro ganti empeng ko ali empeng batak ripen belalu layani a'ap empe a'ap punah man. Pas a'ap punah man, jape ko kate man pengokan ko. 9Belalu me ko sa be terima kasih tong ka batak ripen ko, leka apu ngene koe gawi ye na ene da! 10Sameh ade ko, kaye ko apu punah ngene koe gawi ye na siu, Ko harus ngulek, Kain ihe batak ripen ye sa patut na amung, leka kain je ngene koe gawi kain,
Yesus Nawas sepuluh ti ulun ye bepenyakit okan kodong
11Pas Yesus tulak tong ja'a ye be aran Yerusalem sendro kawan murid Da. Da nyelalo batas wilayah Samaria ali provinsi Galilea. 12Pas dali apu dani ke ja'a, na'an sepuluh ti ulun ye bepenyakit okan kodong nyeruku Yesus. Tapi dali tehur dile sa oro ke ro. 13Dali no'ok tong Da: “Yesus, Guru kain, kasihilah kain belalu tawas roten kain ihe,” 14Yesus kite dali belalu Da ngulek: “Alan tulak tong ka kawan imam di dali meriksa ko.” Pas dali desung te alan tong ka runa kawan imam Yahudi iro, dali selenga beme. 15Dali sadar kaye dali apu beme, tapi na'an erai ulun te antara dali mulik tong ka Yesus sambil memuji Allah leka da apu beme. 16Ulun Samaria#17:16 Orang Samaria: Orang Samaria menunjukan orang yang berasal dari daerah Samaria. Mereka adalah keturunan dari orang-orang Yahudi yang menikah dengan orang bukan Yahudi. Mereka tidak menyembah Tuhan di Yerusalem seperti yang dilakukan Yahudi, dan orang Yahudi menganggap orang Samaria ini adalah orang asing. Sebagian besar orang Yahudi membeci orang Samaria. Ulun Samaria: Ulun Samaria iro ulun ye be asal neke ja'a daerah Samaria. Dali iro keturunan neke kawan ulun Yahudi ye peruku ali ulun ye ba Yahudi. Dali sa nyembah Tuhan te Yerusalem ngunaw ye na ene ulun Yahudi, belalu ulun Yahudi ngangap ulun Samaria ihe ulun asing, Deo ade bali ulun Yahudi ye sa rigi ali ulun Samaria. ihe langsung be sehujud te one wae Yesus pelos be terima kasih tong Da. 17Ukah iro, Yesus ngulek tong ulun iro: “A'ap apu nawas sepuluh ulun iro. Se di sie ulun ye bali ye sa mulik! 18Tapi je erai ye mulik tong he la'ang di be terima kasih tong ka Allah, pedahal ulun iro ba ulun Yahudi?” 19Belalu Yesus ngulek tong ka ulun iro: “Jakat apu, alan tulak. Ko na tawas leka ko percaya tong ka A'ap.”
Yesus ngajar se iro Kerajaan Allah
(Mat. 24:23-28,36-41)
20Erai ke olo ye bali, na'an erai ulun Farisi nyituk siri tong ka Yesus: “Kede me Kerajaan Allah iro sulet.” Ulek Yesus: “Kerajaan Allah sagar sulet, tapi beloh kate na teneng ali ma'te ko. 21Beloh erai ti ulun ye kate ngulek, Teneng, Kerajaan Allah apu te bihe!” Atawa ngulek Teneng aruh Kerajaan Allah, Koe iro “Kerajaan Allah iro apu na'an te botuk kam.”
22Ukah iro Yesus ngulek tong kawan murid Da: Sagar na'an wayah ye pas ko kakan bene kite A'ap, Anak Meresia, merentah, tapi ko beloh kate neneng ye. 23Pas desung iro ade, kawan ulun sagar ngulek tong ka ko: “Aruh Mesias na'an te biduh! Atawa He Mesias na'an te bihe! Tapi iya'a ko nemasu atawa percaya ali dali ukah iro ko iya'a ngeto Da. 24Leka pas wayah Anak Meresia sagar sulet ngunaw ilap, ye timul be ama waha ke langit neke tempak erai tong tempak ye bali. 25Tapi semale iro, A'ap harus menaya dile ukah iro ade A'ap sagar sa na terima kawan ulun ye bolum te denia ihe. 26Ingat se ye pini terjadi te zaman Nuh bayuh, semale danum layap terjadi. Sagar terjadi ngunaw iro ade pas semale A'ap, Anak Meresia mulik tong denia. 27Pas desung iro, kawan ulun sendro man belalu kawan upo ali bawe deo peruku. Dali tatap ngene koe gawi iro empe pas te olo da Nuh litep tong suang jukung solai, ye apu na ene da. Belalu uran lopa bene ye ngene layap denia ukah iro munu kawan ulun ye sa litep tong suang jukung solai. 28Sameh ade ngunaw ye terjadi te zaman Lot. Awus kawan ulun te ja'a ye be aran Sodom bolum nget dali biasa ye, man, isep, seboli belalu bejualan barang, seku'le ali ne'muet belai. 29Tapi pas te olo da Lot tulak ngikah ja'a Sodom, Allah pedolui apui ali kawan batu ye soya neke langit belalu munu awus kawan ulun. 30Ngunaw ro ye sagar terjadi pas te A'ap, Anak Meresia, sulet li. 31Pas desung iro ade ulun ye te mo'on sapo belai beloh ahan dolui tong ka suang belai di ngepe kawan perabot da; ngetro ade ulun ye desung te ume beloh ahan uli tong belai. 32Pikir se ye pini terjadi ali sao da Lot. 33Tiap ulun ye kakan menyelamatkan nyawa ye sika tatap sagar mate. Tapi tiap ulun ye bekorban nyawa leka ngedasu A'ap, da sagar mahan pengebolum ye kekal. 34A'ap ngulek tong ka ko kaye pas A'ap sulet li, na'an due ti ulun sendro turui. Allah sagar ngepe erai ulun belalu ngikah ye erai. 35Kaye na'an due ti bawe ye ngene pengokan te runa ye sameh, erai ulun sagar na oit tulak, tapi ye bali sagar na ikah.”
36(Kaye na'an due ti ulun desung te ume te runa ye sameh, erai ulun ade na oit tulak, tapi ye erai sagar na ikah) 37Belalu kawan murid Da nyituk tong Yesus: “Te kame iro sagar terjadi, Tuhan?” Ulek Yesus tong ka dali: “Kawan tempulu ye man bangkei pasti ngerumung te kame runa ye na'an bangkei.”
Currently Selected:
Lukas 17: LBX
Highlight
Copy
Compare
Share
Want to have your highlights saved across all your devices? Sign up or sign in
Bawo Bible by Beyond Translation is licensed under Creative Commons Attribution-ShareAlike 4.0 License
