Popular Bible Verses from Lukas 17

Share

Belalu Yesus ngulek tong ka ulun iro: “Jakat apu, alan tulak. Ko na tawas leka ko percaya tong ka A'ap.”

Mele ulun ye percaya tong ka A'ap ngene dosa tong ka ko turu kali te suang erai olo, belalu tiap kali da sulet tong ka ko pelos ngulek, A'ap betobat, maka ko harus ngampuni da tiap kali ade.

Dali sadar kaye dali apu beme, tapi na'an erai ulun te antara dali mulik tong ka Yesus sambil memuji Allah leka da apu beme. Ulun Samaria ihe langsung be sehujud te one wae Yesus pelos be terima kasih tong Da.

Aji bebuen di ko sa ngegoda ulun bali di ngene dosa. Kaye erai ke ulun percaya tong ka A'ap ngene dosa, uni da. Kaye da betobat neke kawan dosa da maka ampuni da.

Ukah iro, Yesus ngulek tong ulun iro: “A'ap apu nawas sepuluh ulun iro. Se di sie ulun ye bali ye sa mulik!

Ukah iro Yesus ngulek tong dali: “Kaye ko be iman, mele halus nget ensoi sesawi, ko sagar ngulek tong ka tonga kayu ye solai ihe, Tebut iro belalu ule te laut, pasti tonga iro sagar pindah tong laut.”

Tiap ulun ye kakan menyelamatkan nyawa ye sika tatap sagar mate. Tapi tiap ulun ye bekorban nyawa leka ngedasu A'ap, da sagar mahan pengebolum ye kekal.

Ukah iro, Yesus ngulek tong kawan murid Da, Sagar na'an wayah cobaan ye ngene ulun sa taat tong ka Allah, tapi ulun ye mencobai ulun bali di ngene dosa sagar kune hukuman ye doyat. Kaye na'an erai batu asa ye solai na suruk te biung da, belalu da na obet tong suang laut, nanga iro ye buen dari pada na hukum, ye ngene na'an erai ulun te antara kawan ulun ye sa be di ihe te goda ngene dosa leka da.

Ingat se ye pini terjadi te zaman Nuh bayuh, semale danum layap terjadi. Sagar terjadi ngunaw iro ade pas semale A'ap, Anak Meresia mulik tong denia. Pas desung iro, kawan ulun sendro man belalu kawan upo ali bawe deo peruku. Dali tatap ngene koe gawi iro empe pas te olo da Nuh litep tong suang jukung solai, ye apu na ene da. Belalu uran lopa bene ye ngene layap denia ukah iro munu kawan ulun ye sa litep tong suang jukung solai.