Jo Kolocai 3

1 # Jab. 110.1 Acalo rik doŋ icer wunu karacel i Kricito, ket wunu doŋ cunywu i kom jami a tye malo, kan ame Kricito tye iye i kabedo me kwogo i laŋet Obaŋa tuŋ cem. 2Ket wunu cunywu i kom jami a tye malo i polo ento mom i kom jami me lobo. 3Pien rik ito wunu oko, kwowu aman doŋ okano oko karacel i Kricito baŋ Obaŋa. 4Ka Kricito ame en obedo kwowa bino nen, wun daŋ ibino nen wunu i kwogo karacel kede.

Kwo acon kede kwo anyen

5Pi mano, nek wunu doŋ oko gigi mogo me lobo a tye i yiwu: coco, caro, mit me kom, agoma yic arac, kede woro me jami; pien woro me jami rom aroma kede woro cal jogi. 6Akemo Obaŋa bino pi kodi timmono i kom jo a mom winyo doge. 7Kodi tim-mi wun daŋ rik ibeo wunu iye i kare a gin obedo kit kwowu ikome. 8Ento aman doŋ bol wunu magi luŋ oko; akemo, kecyic, raccuny, ayet, kede kop me lewic myero kur winyere i dogwu. 9#Ep. 4.22Kur ibwolle wunu dok kenwu kenwu, pien doŋ ityeko wunu gonyo oko kwowu me anywalli kede timmere, 10#Age. 1.26; Ep. 4.24ite ruko wunu dano anyen ame Acwec tye a roco i ŋec anyen me dwoko i callere. 11Kannono mom dok bedo iye apokapoka i kin jo Grik kede Ojudaya, ŋat oliro kede a mom oliro, amyere moro a mom ŋeo leb, rok odoŋ cen, opii, kede ŋat a loye kene, pien Kricito ojoo gin luŋ, dok daŋ tye i gin luŋ.

12 # Ep. 4.2 Aco wun ibedo wunu jo ame Obaŋa oyero, jo acil ame Obaŋa maro; pi mannono, rukere wunu doŋ i cuny acwer pi can a dano wadwu, kica, mwolo, woro kede diyo cuny. 13#Ep. 4.32Di wunu cunywu ŋat acel acel i kom awottere, kun itimo wunu kica i akinawu kenwu i kom balwu. Ka ŋattoro i akinawu tye kede kopporo i kom ŋat ocele, timere kica i kom bal myero bed tye acalo Rwot otimowu kica. 14Ento akato magu luŋ, ruk wunu mar. Mar keken en atweo jami luŋ, noto karacel ame owok aber. 15Mi wunu kuc a Kricito ame rik olwoŋowu iye i kom acel, olo cunywu, eka ite bedo wunu jo a mio pwoc i kare luŋ. 16#Ep. 5.19-20Kop a Kricito myero bed i yiwu aber odoco ka ipwonyere wunu kenwu kenwu dok ijukere wunu i ryeko luŋ ame Obaŋa omiowu. Dok daŋ ka iwero wunu jabuli, wer me pako Obaŋa kede werrogo ocele me dini, wer wunu baŋ Obaŋa kede pwoc i cunywu. 17Gin luŋ ame itio wunu i kop onyo i timmogo, ti wunugi luŋ i nyiŋ Rwot Yecu, kun imio wunu pwoc baŋ Obaŋa Papo bea baŋe.

Kit me bedo karacel i kwo anyen

18 # Ep. 5.22; 1 Pet. 3.1 Wun mon, miye wunu i te loc a cogwu, pien mano en a myero i akina jo ame tye i Rwotwa. 19#Ep. 5.25; 1 Pet. 3.7Aco wun co, mar wunu monwu, wek wunu kolo i komgi bedi. 20#Ep. 6.1Wun itino, winy wunu onywalwu i kop luŋ, pien kodi timmono yomoro yi Rwot. 21#Ep. 6.4Wun papo, kur iter itinowu kolokolo, naka mio cunygi balle oko. 22#Ep. 6.5-8Wun opii, winy wunu odoŋewu me loba man i kop luŋ i cuny acel, mom i tic a yeŋo waŋ, me yomoro ka cuny dano keken, ento i cuny a lworo Rwot. 23I ticcoro ame itio wunu, ti wunu aber i cunywu luŋ acalo itiyi wunu Rwot, ento mom pi dano. 24Ŋe wunu ni ibino nywako wunu jami ame Rwot oyiko pi jo mere acalo ocarawu. Wun opii a Rwotwa Kricito. 25#Lodo 10.17; Ep. 6.9Pien atim gin arac, obino daŋ cule pi gin arac ame en otimo, pien Rwot mom poko i akina jo.

Currently Selected:

Jo Kolocai 3: La79

Highlight

Compare

Copy