Jo Kolocai 4

Pwony

1 # Ep. 6.9 Wun wegi opii, ti wunu i yo atir a rorom, kun iŋeo wunu ni, wun daŋ itye wunu kede adwoŋwu malo i polo.

2Miye wunu atek i kwayo Obaŋa, kur inin wunu iye; mi wunu pwoc daŋ. 3Kwa wunu pirwa daŋ, me Obaŋa yabbiwa doggola me rabo muŋ i kom Kricito, pien pire, en omio an atye i buc kan, 4me arab i kit a myero, ami ŋeye odoco.

5 # Ep. 5.16 Ti wunu i ryeko meicel i nyim jo ame tye oko; caa ame inwoŋo wunu, ti wunu kede aber. 6Kopwu myero bed ame kado oromo aber dok amit, me iŋe wunu kite a myero idok wunu kede i peny a ŋat acel acel.

Amot me agikki

7 # Tic 20.4; 2 Tem. 4.12 # Ep. 6.21-22 Ominwa Tukiko ame omaro, ame obedo atic a genne, dok amiro wadwa i Rwot, bino tittiwu kop luŋ i koma. 8Acwae baŋwu pi kop man ikome, me miwu iŋe wunu kite ame wan otye kede, dok cuk cunywu. 9#Pile 10-12Acwae gin kede ominwa ocele ame omaro, Onesimo; en daŋ genne, dok en ŋat acel oya i baŋwu. Gin bino tittiwu ginnoro ducu ame otimere kan.

10 # Tic 19.29; 27.2; Pile 24; Tic 12.12, 25; 13.13; 15.37-39 Abuc wadwa Arisitako omotowu, kede Marako okeo a Baranaba ame atyeko cikowu pire; ka en otuno baŋwu, jole wunu aber, 11dok kede Yecu ame nyiŋe ocele Yucito, daŋ omotowu. Jo-nu adek-k i keken, gin Ojudaya ame tio karacel kedwa kan i loc Obaŋa. Gin okweo cunya meicel. 12#Kol. 1.7; Pile 23Epapira amiro a Yecu Kricito ame ŋat acel a daŋ oya i baŋwu, daŋ omotowu. I kwaccere me kare luŋ, en po pirwu atek ateka, me iniaŋ wunu i gin luŋ ame Obaŋa mito aboŋo kala akala. 13An cadennere ame amoko ni en atic atek pirwu kede jo a tye Laodikia kede Kerapoli. 14#2 Tem. 4.10, 11; Pile 24Dakatal Luka ame omaro kede Dema daŋ omotowu. 15Cwa wunu amotta baŋ omegowa a tye i Laodikia kede baŋ Nimpa daŋ, naka lwak jo oye Kricito a cokere i ode. 16Ka waraga man doŋ otyeko kwano oko i akinawu, myero imi wunu kwan daŋ baŋ lwak jo oye Kricito a tye i Laodikia; wun daŋ kwan wunu waraga oya i Laodikia. 17#Pile 2Kobbi wunu Arakipo ni, myero enen ni ecobo tic a rik omie i Rwot.

18An Paulo amotowu i ciŋa. Wiwu kur wil i jegerena. Winyo Obaŋa bed kedwu.

Currently Selected:

Jo Kolocai 4: La79

Highlight

Compare

Copy