Jo Kolocai 2

1Amito iŋe wunu kite ame an akanyakino kede i tic pirwu kede pi jo a tye i Laodikia, naka jo luŋ ame mom ru oneno waŋa. 2Atimo amannono me cunygi bed tek dok wek gin onotte karacel i mar. Amito gin bed acalo olonyo pi kop ame odonyo atut i cunygi, omio gin oniaŋ aber, daŋ gin oŋeo muŋ Obaŋa ame en Kricito ikome, 3ame en Obaŋa okano iye lonyo mere luŋ me ryeko kede ŋec. 4Akobo man me ŋattoro kur rwenywu kede pyem me goba goba. 5Pien kadi an mom atye kedwu i kom, ento atye kedwu i cuny kun alelo me neno kite ame iwoto wunu kede aber i kop luŋ, kede iyeewu ame ocuŋ atek i kom Kricito.

6Acalo doŋ igamo wunu Rwot Yecu Kricito, myero doŋ ibed wunu i en. 7Mi Iwitwu dony atek i kome, bed wunu acalo ot ogero i kome, kun icuŋ wunu atek i iyee acalo rik opwonyowu, kun pwocwu medde ameda.

Kwo Obaŋa luŋ bedo i kom Kricito

8Gwokere wunu me kur ŋattoro yakwu oko kede tam me ryeko onyo bwolloro a tere mom, kun lubo pwony oya i baŋ kwaro kede pwony ajogi acon me wi podo, ento kun mom olubo Kricito. 9Pien i kome en Kricito, Obaŋa doŋ opoŋo iye kite a en tye kede i yore luŋ, 10wun daŋ doŋ ipoŋ wunu i kwo i kite luŋ i Kricito. En obedo awi oloc kede wegi twer ducu. 11I Kricito daŋ doŋ rik olirowu oko kede alira mere ikome; mom iyi alira ame ciŋ dano otio i komwu, ento pi kwanyo oko i komwu kwo me anywalli me kom, acalo igonyo wunu boŋo. 12#Rom. 6.4Dok i kare me batijawu rik oyikowu karacel kede Kricito, eka daŋ ite cer wunu oko karacel kede pi iyeewu i kom tic Obaŋa atek ame rik ocero kede Yecu Kricito iyi akinajo oto.

13 # Ep. 2.1-5 Wun ame rik onwoŋo daŋ ito wunu oko pi balwu kede pi mom liro riŋo komwu, aman doŋ Obaŋa omio ikwo wunu oko karacel kede wegi twer ducu. Kede Kricito, kun daŋ otimowa kica i balwa ducu. 14#Ep. 2.15Waraga me bannyi ame ocoo i wiwa pi cik a rik omio kop oloowa, en oweo gire oko; ocwao oko teŋe kun oguro oko i kom yataria. 15Kricito doŋ omao jami me romo oko i baŋ jogi ame oloc kede wegi twer, kun ŋatte kannaler i kom yataria ni doŋ eloogi.

16 # Rom. 14.1-6 Pi mano doŋ ba, ŋattoro kur dok ŋolliwu kop i kom cam onyo gi-amata, kadi pi nino adoŋo, onyo por dwe, onyo pi cabit. 17Magu luŋ obedo ka tipo keken me gin ame bino bino, ento kom ginnono ikome tye baŋ Kricito. 18Kur daŋ ŋattoro ŋol ni kop oloowu kun mito ni jo mwolle kengi goba kun oworo omalaika, kun ocuŋ ka i kom anyuttogo ame eneno. Kodi jo-nu yeyea nononono aboŋo tere, kono ka i tamgi me dano keken, 19#Ep. 4.16ento kun mom olido Kricito ame en wic, ame kom luŋ aluŋa pitte baŋe, dok notte karacel i waŋ nyoo mere kede i ler, eka te doŋo i kite ame Obaŋa mito ni doŋ kede.

Kwo anyen i Kricito

20Ka wun rik ito wunu oko karacel kede Kricito, eka ote gonyowu oko i te loc a jogi acon me wi podo, kara piŋo pwod dok imedde bedo wunu acalo jo me lobo, kun igwoko wunu cik acalo magi? 21“Kur imak, kur ibil, kur igud.” 22Magu luŋ obedo cik kede pwony a dano, ame mako ka jami ame tum oko ka otio kedgi. 23Ateni, cik magi nen bala tye iye ryeko pi keto cik me woro Obaŋa ame iroto wunu kenwu, dok pi mwolle ken, me topo kom i can; ento mom konyo kadi acelloro me loyo mit me kom.

Currently Selected:

Jo Kolocai 2: La79

Highlight

Compare

Copy