Popular Bible Verses from Jo Kolocai 3

Share

Di wunu cunywu ŋat acel acel i kom awottere, kun itimo wunu kica i akinawu kenwu i kom balwu. Ka ŋattoro i akinawu tye kede kopporo i kom ŋat ocele, timere kica i kom bal myero bed tye acalo Rwot otimowu kica.

Ket wunu cunywu i kom jami a tye malo i polo ento mom i kom jami me lobo.

I ticcoro ame itio wunu, ti wunu aber i cunywu luŋ acalo itiyi wunu Rwot, ento mom pi dano.

Aco wun ibedo wunu jo ame Obaŋa oyero, jo acil ame Obaŋa maro; pi mannono, rukere wunu doŋ i cuny acwer pi can a dano wadwu, kica, mwolo, woro kede diyo cuny.

Kop a Kricito myero bed i yiwu aber odoco ka ipwonyere wunu kenwu kenwu dok ijukere wunu i ryeko luŋ ame Obaŋa omiowu. Dok daŋ ka iwero wunu jabuli, wer me pako Obaŋa kede werrogo ocele me dini, wer wunu baŋ Obaŋa kede pwoc i cunywu. Gin luŋ ame itio wunu i kop onyo i timmogo, ti wunugi luŋ i nyiŋ Rwot Yecu, kun imio wunu pwoc baŋ Obaŋa Papo bea baŋe.

Ento akato magu luŋ, ruk wunu mar. Mar keken en atweo jami luŋ, noto karacel ame owok aber.

Acalo rik doŋ icer wunu karacel i Kricito, ket wunu doŋ cunywu i kom jami a tye malo, kan ame Kricito tye iye i kabedo me kwogo i laŋet Obaŋa tuŋ cem.

Mi wunu kuc a Kricito ame rik olwoŋowu iye i kom acel, olo cunywu, eka ite bedo wunu jo a mio pwoc i kare luŋ.

Pi mano, nek wunu doŋ oko gigi mogo me lobo a tye i yiwu: coco, caro, mit me kom, agoma yic arac, kede woro me jami; pien woro me jami rom aroma kede woro cal jogi.

Pien rik ito wunu oko, kwowu aman doŋ okano oko karacel i Kricito baŋ Obaŋa.

Ento aman doŋ bol wunu magi luŋ oko; akemo, kecyic, raccuny, ayet, kede kop me lewic myero kur winyere i dogwu.

Kur ibwolle wunu dok kenwu kenwu, pien doŋ ityeko wunu gonyo oko kwowu me anywalli kede timmere, ite ruko wunu dano anyen ame Acwec tye a roco i ŋec anyen me dwoko i callere.

Aco wun co, mar wunu monwu, wek wunu kolo i komgi bedi.

Wun itino, winy wunu onywalwu i kop luŋ, pien kodi timmono yomoro yi Rwot.

Wun mon, miye wunu i te loc a cogwu, pien mano en a myero i akina jo ame tye i Rwotwa.