OMAPSALOME 143
143
Epsalome lomulidilululi
Epsalome laDavid.
1Omwene, uda eindilo lange,
Ove pwilikina eehelo lange.
Molwoudiinini woye itavela nge,
omolwouyuki woye.
2Ove ino tokola omupiya woye,
osheshi kape na omunamwenyo
omuyuki koshipala shoye.
3Akutu, omutondi ta taataa omwenyo wange,
ote u lyataulile poshi,
ota telatele nge momulaulu, ndi fe ava va fya nale.
4Omhepo yange paife oya mbadapala,
omutima wange owa kanghelwa meni lange.
5Ohandi dimbulukwa omafimbo onalenale,
oilonga yoye aishe ohandi i shipulula,
ame ndi shipaashipe okulonga kwoye akushe.
6Omake ange ohandi a yelula kwoove;
omwenyo wange otau ku notelwa,
wa fa edu li nonghange. Sela
7Omwene, endelela, ude nge!
Omhepo yange oya notelwa,
ino holeka nge oshipala shoye,
ndiha fe ava, va ya nale mombila.
8Ngeenge taku shi, uditile nge ouwanghenda woye,
osheshi Oove nde lineekela.
Udikile nge ondjila, ame ndi ende nayo,
osheshi kwoove, oko handi yelula omwenyo wange.
9Omwene, xupife nge movatondi vange!
Kwoove ohandi ka ningina ko.
10Longe nge, ndi ninge eshi we shi hokwa,
osheshi Oove Kalunga kange.
Omhepo yoye iwa nai endife nge
mondjila ya fefengwa.
11Omwene, molwedina loye kwafa,
ndi kale nomwenyo.
Molwouyuki woye kufe nge moudjuu.
12Nomolwouwanghenda woye
hanauna po ovatondi vange,
Ove nyonauna po aveshe,
ava tava fininike nge,
osheshi aame omupiya woye.
Currently Selected:
OMAPSALOME 143: OKYB
Highlight
Copy
Compare
Share
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
