OMAPSALOME 144
144
Ehambelelo neilikano
Epsalome laDavid.
1Omwene, emanya lange, Oye na fimanekwe,
ou ha longo omake ange okukondja,
nominwe dange di lwe oita.
2Ou ta pe nge onghenda, nohotemanya yange,
nengholo lange, nomuxupifi wange,
noshikelelifo shange, kwaau oko nde lineekela,
ndele ta pangelifa nge oshiwana shange.
3Omwene, omunhu oku li ngahelipi,
ye eshi to mu shipulula,
nomona womunhu, eshi we mu tala?
4Omunhu okwa fa okaulapepo,
omafiku aye ongaashi omudidimbe hau vilola po.
5Omwene, filukifila omaulu, u londoloke mo,
kuma eemhunda di twimaane!
6Kupulifa omaluvadi, u va halakanife,
umba oikuti yoye, vo ve lihane po.
7Moule wokombada, nana mo omake oye,
nakule nge, u xupife nge
momeva manene unene nomomaoko ovanailongo,
8ava ve nomilungu tadi popi oipupulu,
nolulyo lavo otave li anifa nekonda.
9Kalunga, onda hala ndi ku imbile eimbilo lipe,
ndi ku shikile onyalilo yeefenga omulongo,
10Oove tuu ou, ho pe eehamba efindano,
wa vakula David, omupiya woye,
momukonda hau twana.
11Shile nge mo, Ove xupife nge
momaoko ovanailongo,
ava ve nomilungu tadi popi oipupulu,
nolulyo lavo otave li anifa nekonda.
12Ovamati vetu meenghono dounyasha wavo
ova fa eengudi domiti da kulifwa dile;
oukadona vetu ove li ngaashi eengudi
da ndodolwa nawa domomakuluumbo a dikikika.
13Omaanda etu oku yadi ndoo,
tae tu pe oitulwamo i lili noi lili;
eedi detu otadi dalafana lwomayovi,
lwomayovi omulongo keehambo detu.
14Eenghutwa detu ohadi humbata;
momakuma kamu na omufya,
mo kamu na etembu,
nomomapandavanda etu
ihamu udika eenghali dasha.
15Oshilongo shi li ngaha, oshi nelao.
Oshilongo oshi nelao,
ngeenge Omwene Oye Kalunga kasho.
Currently Selected:
OMAPSALOME 144: OKYB
Highlight
Copy
Compare
Share
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
