Popular Bible Verses from OMAPSALOME 143

Share

Longe nge, ndi ninge eshi we shi hokwa, osheshi Oove Kalunga kange. Omhepo yoye iwa nai endife nge mondjila ya fefengwa.

Ngeenge taku shi, uditile nge ouwanghenda woye, osheshi Oove nde lineekela. Udikile nge ondjila, ame ndi ende nayo, osheshi kwoove, oko handi yelula omwenyo wange.

Omwene, xupife nge movatondi vange! Kwoove ohandi ka ningina ko.

Omwene, molwedina loye kwafa, ndi kale nomwenyo. Molwouyuki woye kufe nge moudjuu.

Omwene, uda eindilo lange, Ove pwilikina eehelo lange. Molwoudiinini woye itavela nge, omolwouyuki woye.

Omwene, endelela, ude nge! Omhepo yange oya notelwa, ino holeka nge oshipala shoye, ndiha fe ava, va ya nale mombila.

Ohandi dimbulukwa omafimbo onalenale, oilonga yoye aishe ohandi i shipulula, ame ndi shipaashipe okulonga kwoye akushe.